ކުރިން ފެނަކައާ ހަވާލުކޮށްފައި އޮތް ފ. ނިލަންދޫގެ ނަރުދަމާ ނިޒާމު ޑިޒައިންކޮށް ގާއިމު ކުރަން އެމްޑަބްލިއުއެސްސީއާ ހަވާލުކޮށްފިއެވެ.
މިކަމުގެ އެއްބަސްވުމުގައި ސޮއިކުރީ އިއްޔެ އެވެ. ފެން ކުންފުނީގެ ފަރާތުން އެއްބަސްވުމުގައި ސޮއިކުރެއްވީ މެނޭޖިން ޑިރެކްޓަރު އަބްދުލްމަތީން މުހައްމަދެވެ. ކޮންސްޓްރަކްޝަން މިނިސްޓްރީގެ ފަރާތުން ސޮއިކުރީ ސްޓޭޓް މިނިސްޓަރު އިބްރާހީމް ތައާމް މުހައްމަދެވެ.
މަޝްރޫއު އެމްޑަބްލިޔުއެސްސީއާ ހަވާލުކުރީ 540 ދުވަހުގެ ތެރޭގައި ނިންމާ ގޮތަށެވެ.
ނިލަންދޫ ނަރުދަމާ މަޝްރޫއު ފެނަކައާ ހަވާލުކުރީ ޖެނުއަރީ 25، 2023 ގަ އެވެ. އޭރު މަސައްކަތް ހަވާލުކުރީ މަސައްކަތް ފަށާތާ 180 ދުވަހުގެ ތެރޭގައި މަސައްކަތް ނިންމާ ގޮތަށެވެ.