ކުރިއަށް ރޯދަ މަހު މާލެ ސިޓީ ކައުންސިލުން ބާއްވަން ހަމަޖެހިފައިވާ ޤުރުއާން މުބާރާތާއި މަދަދަ މުބާރާތުގައި ބައިވެރިވާން ހުޅުވާލައިފި އެވެ.
ޤުރުއާން ކިޔެވުމުގެ މުބާރާތް ބާއްވަން ހަމަޖެހިފައި ވަނީ ދެ ގޮތްޕަކަށެވެ. އެއީ ބަލައިގެން ކިޔެވުމުގެ ގޮތްޕާއި ނުބަލައި ކިޔެވުމުގެ ގޮތްޕެވެ. ކޮންމެ ގޮތްޕެއްގައި ވެސް ތިން އުމުރުފުރާ ހިމެނޭނެ އެވެ. އެއީ 6 އަހަރުން ދަށާއި، 9 އަހަރުން ދަށާއި 11 އަހަރުން ދަށާއި، 13 އަހަރުން ދަށާއި، 16އަހަރުން ދަށާއި، 19އަހަރުން ދަށެވެ.
ކައުންސިލުން ބުނީ މުބާރާތުގެ 6 އަހަރުން ދަށުގެ އުމުރުފުރާގެ ދަރިވަރުންގެ ކިޔެވުމަށް އިންސާފު ނުކުރާނެ ކަމަށެވެ.
ނަމަވެސް އެ ނޫން ކޮންމެ އުމުރުފުރާއަކުން އެންމެ މޮޅު 5 ދަރިވަރުން ހޮވާނެ އެވެ. އެގޮތުން ކޮންމެ އުމުރުފުރާއަކުން ގަދަ ތިނެއް ހޮވާނެ އެވެ. އަދި ކޮންމެ ގޮތްޕަކުން ވެސް ގަދަ ތިނެއް ހޮވާނެ އެވެ. ވަނަތައް ހޮވާނީ ދެ ގޮފި ވަކިންނެވެ. ހަމަ އެހެންމެ ކޮންމެ ގޮތްޕަކުން އެންމެ މޮޅު 5 ދަރިވަރުން ހޮވުމާއެކު ކޮންމެ ގޮތްޕަކުން ގަދަ ތިނެއް ހޮވާނެއެވެ.
ޤުރުއާން މުބާރާތުގައި ކޮންމެ ދަރިވަރަކަށް ވެސް ބައިވެރިވެވޭނީ އެއް ގޮފީގަ އެވެ.
ޤުރުއާން މުބާރާތުގެ ކޮންމެ އުމުރުފުރައެއްގެ ކޮންމެ ގޮތްޕަކުން:
* އެއްވަނަ އަށް 7،000ރ. އާއި ޓްރޮފީއާއި ސެޓްފިކެޓް
* ދެވަނަ އަށް 5،000ރ. އާއި ކްލާކާއި ސެޓްފިކެޓް
* ތިންވަނަ އަށް 3،000ރ. އާއި ކްލާކާއި ސެޓްފިކެޓް
ޤުރުއާން މުބާރާތުގެ ކޮންމެ ގޮއްޕަކުން މުޅި މުބާރާތުން:
* އެެއްވަނަ އަށް 10،000ރ. އާއި ޓްރޮފީ އާއި ސެޓްފިކެޓް
* ދެވަނަ އަށް 7،000ރ. އާއި ޓްރޮފީ އާއި ސެޓްފިކެޓް
* ތިންވަނަ އަށް -/5،000ރ. އާއި ޓްރޮފީ އާއި ސެޓްފިކެޓް
ކައުންސިލުން ބުނީ މަދަޙަ މުބާރާތް ވެސް ހުޅުވާލާފައ ވަނީ ޤުރުއާން މުބާރާތް ވެސް ހާއްސަކޮށްފައިވާ އުމުރުފުރާތަކަށެވެ.
އަދި 6 އަހަރުން ދަށުގެ އުމުރުފުރާގެ ދަރިވަރުންގެ މަދަޙަތަކަށް އިންސާފެއް ނުކުރާނެ އެވެ. އެ ނޫން ކޮންމެ އުމުރުފުރާއަކުން އެންމެ މޮޅު 5 ދަރިވަރުން ހޮވާނެއެވެ. އަދި ކޮންމެ އުމުރުފުރާއަކުން، ގަދަ ތިނެއް ވަނަ އާއި މުޅި މުބާރާތުން ވެސް ގަދަ ތިނެއް ހޮވާނެ އެވެ.
މަދަހަ މުބާރާތުގެ ވަނަތަކަށް ވެސް ދޭނީ ޤުރުއާން މުބާރާތުގެ ވަނަތަކަށް ދޭ އިނާމުތަކެވެ.
އެހެންވެ ދެ މުބާރާތުގައި ބައިވެރިވާން ޝައުގުވެރިވާ ކުދިންނަށް ބައިވެރިވުމުގެ ފުރުސަތު މި މަހުގެ 30 އާ ހަމައަށް ވަނީ ހުޅުވާލައިފަ އެވެ. މުބާރާތްތަކާ ބެހޭ އިތުރު މައުލޫމާތު މާލެ ކައުންސިލްގެ ކޯލް ސެންޓަރުގެ ހޮޓްލައިން ނަމްބަރު 1622 އިން ހޯދޭނެ އެވެ.
މާލެ ސިޓީ ކައުންސިލުން މިދިޔަ އަހަރުގެ ރޯދަ މަހު ވެސް ޤުރުއާން މުބާރާތާއި މަދަހަ މުބާރާތް ބޭއްވި އެވެ.