ހުޅުމާލޭ ހޮސްޕިޓަލްގެ އިމަޖެންސީ ރޫމް ބޮޑުކުރަން ރޯޑް ޑިވަލޮޕްމަންޓް ކޯޕަރޭޝަން (އާރްޑީސީ) އާ ހަވާލުކޮށްފި އެވެ.
އެ ހޮސްޕިޓަލުގައި ބޭއްވި އިއްޔެ ރަސްމިއްޔާތެއްގައި އެ ހޮސްޕިޓަލްގެ މަސައްކަތުގެ އެއްބަސްވުމުގައި ސޮއިކުރެއްވީ މާލެ ގުރޫފް އޮފް ހޮސްޕިޓަލްސްގެ ފަރާތުން ސޮއިކުރެއްވީ ސީއީއޯ އިބްރާހީމް އަބްދުއްރައްޒާގެވެ. އާރްޑީސީގެ ފަރާތުން ސޮއިކިރެއްވީ މެނޭޖިން ޑިރެކްޓަރު އަލީ ޒުހައިރެވެ.
މި އެއްބަސްވުމުގެ ދަށުން އެ ހޮސްޕިޓަލްގައި މިހާރު ހުރި 7 އެނދުގެ އިމަޖެންސީ ރޫމް ޒަމާނީ ވަސީލަތްތަކާއެކު 14 އެނދަށް ބަދަލުކޮށް، ކްރިޓިކަލް ހާލަތްތަކުގައި ފަރުވާ ދިނުމަށް ހާއްސަ ކުރެވޭ ތަނަކަށް ބަދަލުކުރަން ހަމަޖެހިފައިވެ އެވެ.
އިމަޖެންސީ ރޫމް ބޮޑުކުރަން އާރްޑީސީއާ ހަވާލުކުރީ ދެ މަހުގެ ތެރޭގައި ނިންމާ ގޮތަށެވެ.
ހަލީމު ވިދާޅުވީ ހުޅުމާލެ ހޮސްޕިޓަލް ޓާޝިއަރާ ހޮސްޕިޓަލެއްގެ ގޮތަށް ތަރައްޤީކުރާ އިރު އީއާރް ބޮޑުކުރުމަކީ ކޮންމެހެން ވެސް ކުރަންޖެހޭ ކަމެއް ކަމަށެވެ. އަދި އެ މަސައްކަތް ކުރިއަށްދާ އިރު އެތަނުގެ ޚިދުމަތްތައް ދޭނީ ހޮސްޕިޓަލުގެ އެހެން ބަޔެއްގައި ކަމަށާއި މަގުސަދަކީ ވީއެންމެ އަވަހަކަށް މަސައްކަތް ނިންމައި އެތަނުގައި ޚިދުމަތް ދޭން ފެށުން ކަމަށެވެ.
ހަލީމް ވިދާޅުވި ގޮތުގައި ހުޅުމާލެ ހޮސްޕިޓަލުގެ ބެޑް ކެޕޭސިޓީ ވެސް އިތުރު ކުރުމަށް ތައްޔާރުވަމުން އަންނަ ކަމަށެވެ. އެގޮތުން އަންނަ އަހަރުގެ ކުރީކޮޅުގައި އެ ހޮސްޕިޓަލަށް 28 އެނދު އިތުރު ކުރަން ވަނީ ނިންމައިފަ އެވެ.
ރައީސް ޑރ. މުހައްމަދު މުއިއްޒުގެ ވައުދުގެ ދަށުން ގިނަ ޚިދުމަތްތަކެއް އަލަށް ގާއިމްކޮށް ޓާޝަރީ ހޮސްޕިޓަލެއްގެ ގޮތުގައި ހުޅުމާލެ ހޮސްޕިޓަލް ރަސްމީކޮށް ހުޅުވީ މި މަހުގެ 16 ގަ އެވެ.