އިމިގްރޭޝަންގެ އާ އޮފީސްތަކަށް މުވައްޒިފުން ހޯދަން އިއުލާންކޮށްފި އެވެ.
އިމިގްރޭޝަންގެ ހިދުމަތްތައް ފުޅާކުރުމުގެ މަސައްކަތުގެ ތެރެއިން އާ 7 އޮފީހެއް އެކި ސަރަހައްދުތަކުގައި ހުޅުވަން ވަނީ ނިންމައިފަ އެވެ. އެގޮތުން އެ އޮފީސްތަކަށް 21 އިމިގްރޭޝަން އޮފިސަރުން ހޯދަން ބޭނުންވާ ކަމަށް ބުންޏެވެ.
* ހުޅުމާލެ އޮފީސް ފޭސް އެކެއް (ފަސް އޮފިސަރުން)
* ހުޅުމާލެ އޮފީސް ފޭސް ދޭއް (ފަސް އޮފސަރުން)
* ވިިލިމާލެ އޮފީސް (ތިން އޮފިސަރުން)
* ފޮނަދޫ އޮފީސް (ދެ އޮފިސަރުން)
* ކުޑަހުވަދޫ އޮފީސް (ދެ އޮފިސަރުން)
* އޭދަފުށި އޮފީސް (ދެ އޮފިސަރުން)
* ށ. ފުނަދޫ އޮފީސް (ދެ އޮފިސަރުން)
އިމިގްރޭޝަނުން ބުނީ އެ އޮފީސްތަކުގެ އަންނަ ބުރާސްފައްޗާ ހަމައަށް ހުޅުވާލާފައިވާ ކަމަށެވެ.
އާ އޮފީސްތަކަށް ބޭނުންވާ މުވައްޒިފުން ހޯދަން ފަށާފައި މި ވަނީ 2026 ގެ ނިޔަލަށް ހުރިހާ އަތޮޅަކާއި ސިޓީތަކެއްގައި ޕާސްޕޯޓްގެ ހިދުމަތް ވެސް ފަށަން ސަރުކާރުން ނިންމާފައި ވަނިކޮށެވެ.
މާލޭގެ އިތުރުން މިހާރު ވެސް ބައެއް ސިޓީތަކާއި ރަށްރަށުގައި އިމިގްރޭޝަންގެ ރީޖަނަލް އޮފިސްތައް ގާއިމުކޮށްފައިވެ އެވެ.