އޮސްކާ އެވޯޑް ވެސް ހޯދާފައިވާ އިންޑިއާގެ ކުޅަދާނަ މިއުޒިޝަން އޭއާރް ރަހުމާންގެ 29 އަހަރުވީ ކައިވެނި ނިމުމަކަށް ގެނެސްފި އެވެ.
އޭނަ އާއި އަންހެނުން ސާއިރާ ބާނޫ ވަކިވާން ނިންމިކަން ހާމަކޮށް ރޭ އާންމުކުރި ބަޔާނެއްގައި ބުނީ މި ނިންމުމަކީ ދެ މީހުންނަށް ވެސް ފަސޭހަ ނިންމުމެއް ނޫން ކަމަށެވެ. އެކަމަކު ވަކިވާން ނިންމީ ދެމަފިރިންގެ މެދުގައި އުފެދިފައިވާ ނުތަނަވަސްކަމާއި ދުރުކަމާ ހެދި ކަމަށެވެ.
ރަހުމާނާއި ސާއިރާގެ ކައިވެނި ރޫޅައިލަން ނިންމި އިރު، އެ މީހުންނަށް ތިން ކުދިން ލިބިފައިވެ އެވެ. އޭގެ ތެރެއިން ދޮށީ ދަރިފުޅު ހަދީޖާ ރަހުމާން ވަނީ 2022 ގައި ކައިވެނި ވެސްކޮށްފަ އެވެ.
“We had hoped to reach the grand thirty, but all things, it seems, carry an unseen end. Even the throne of God might tremble at the weight of broken hearts. Yet, in this shattering, we seek meaning, though the pieces may not find their place again. To our friends, thank you for…
— A.R.Rahman (@arrahman) November 19, 2024
ރަހުމާން، 57، އަކީ އިންޑިއާގެ އެންމެ ނުފޫޒު ގަދަ މިއުޒިޝަނެވެ. މިއުޒިކް ޑައިރެކްޓަރެއްގެ އިތުރުން އޭނަ އަކީ ކުޅަދާނަ ލަވަކިޔުންތެރިއެއް ވެސް މެ އެވެ. ބޮލީވުޑްގެ އެތައް ފިލްމެއްގެ އިތުރުން އިންޑިއާގެ ދެކުނު އެތައް ފިކްމަކަށް އޭނަ މިހާތަނަށް މިއުޒިކް ހަދައި ލަވަ ވެސް ކިޔާފައިވެ އެވެ.
ރަހުމާނަށް އޮސްކާ އެވޯޑް ލިބުނީ ހޮލީވުޑްގެ 2008 ގެ ފިލްމު "ސްލަމްޑޯގް މިލިއަނާ" އިންނެވެ. އެގޮތުން އެ ފިލްމަށް އޭނަ ހަދައި ދިން ލަވަ "ޖޭ ހޯ" އަށް އެންމެ މޮޅު އޮރިޖިނަލް ލަވައިގެ އެވޯޑްގެ އިތުރުގެ ފިލްމުފެ ބެކް މިއުޒިކުން ވެސް އޮސްކާ ލިބުނެވެ.