ސޯޝަލް މީޑިއާ ޕްލެޓްފޯމެއް ކަމަށްވާ "ބްލޫސްކައި" ބޭނުންކުރާ މީހުންގެ އަދަދު ވަރަށް ބޮޑަށް އިތުރުވާން ފަށައިފި އެވެ.
އެ ބޭނުން ކުރާ މީހުން ކުއްލިއަކަށް މާ ބޮޑަށް އިތުރުވާން ފެށީ މި މަހުގެ ކުރީކޮޅު ބޭއްވ އެމެރިކާގެ ރިޔާސީ އިންތިހާބު ކާމިޔާބުކުރެއްވި ކުރީގެ ރައީސް ޑޮނަލްޑް ޓްރަމްޕްގެ މާ އަރިސް ބޭފުޅެއްގެ ގޮތުގައި ކުރީގެ ޓްވިޓާ މިހާރުގެ "އެކްސް" ގެ ވެރިޔާ މަހުޖަނު އީލޮން މަސްކް ހަރަކާތްތެރިވާ ފެށުމާ އެކީގަ އެވެ.
އެގޮތުން ޓްރަމްޕާ މެދު ނުރުހޭ ވަރަށް ގިނަ ބަޔަކު އީލޮން ދެކެ ވީ "ބޮޑު ފޫއްސެއް" ގެ ބޮޑުކަމުން އެކްސް ދޫކޮށްލައި މިހާރު އަންނަނީ ބްލޫސްކައި އަށް ހިޖުރަކުރަމުންނެވެ. އެގޮތުން ފާއިތުވި ތިން މަހެއްހާ ދުވަހުގެ ތެރޭގައި އެތައް ބަޔަކު އެ ޕްލެޓްފޯމާ ގުޅިފައިވާ އިރު، ފާއިތުވި ހަފުތާއެއްހާ ދުވަހުގެ ތެރޭގައި އެކަނި ވެސް މިލިއަނެއްހާ މީހުން ވަނީ ބްލޫކައިސް ބޭނުން ކުރަން ފަށައިފި އެވެ.
އެގޮތުން މިހާރު އެ ބޭނުންކުރާ މީހުންގެ އަދަދު ވަނީ 20 މިލިއަނަށް ވުރެ މައްޗަށް އަރައިފަ އެވެ.
ފާހަގަކޮށްލެވޭ ކަމަކީ މިހާރު އެޕް ސްޓޯރުގައި ވެސް އެކްސް ޑައުންލޯޑްކުރާ މީހުންނަނަށް ވުރެ ބްލޫސްކައި ޑައުންލޯޑްކުރާ މީހުން ގިނަކަމެވެ.