ގއ. ގެމަނަފުށީ ކައުންސިލްގެ އިޙްތިސާސްގެ ތެރޭގައި ހިމެނޭ ބިހުރެހާ އިން ދަނޑުވެރިކަމަށް ބީން ދޫކުރން ނިންމައި އެކަމަށް ކުރިމަތިލާން ހުޅުވާލައިފި އެވެ.
ކައުންސިލުން ބުނީ އެ ރަށުން ދަނޑުވެރިކަމަށް ބިން ދޫކުރަން ނިންމީ އާމްދަނީ ހޯދުމަށާއި، ބިންތަކުން ވިޔަފާރިވެރިންނަށް މާލީ ފައިދާ ހޯދުމުގެ ފުރުސަތު ހުޅުވާލުމަށާއި ދެމެހެއްޓެނިވި ގޮތެއްގައި ބިންތައް ވިޔަފާރި އުސޫލުން ދޫކުރުމުގެ ގޮތުން ކަމަށެވެ.
އެގޮތުން ބިހުރެހާ އިން ބިން ދޫކުރުމަށް ހަމަޖެހިފައިވަނީ ހަމައެކަނި ގެމަނަފުށީގެ ރަށްވެހިންނަށެވެ.
ދަނޑުބިން ދޫކުރުމަށް ހަމަޖެހިފައިވަނީ 4 ބާވަތެއްގެ ދަނޑުވެރިކަމަކަށެވެ. އެއީ މޫސުމީ ދަނޑުވެރިކަން، އާންމު ދަނޑުވެރިކަން،
ދިރޭތަކެތީގެ ދަނޑުވެރިކަން އަދި ޒަމާނީ ދަނޑުވެރިކަން އެވެ.
މި ދަނޑުވެރިކަމަޑް ބިހުރެހާއިން ބިން ދޫކުރުމަށް ހަމަޖެހިފައި ވަނީ 20 އަހަރަށެވެ. އަދި ދޫކުރަން ހަމަޖެހިފައި ވަނީ 4،000 އަކަފޫޓްގެ ބިންތަކެވެ.
ބިންތަކަށް އެދޭ ފަރާތްތަކުން މި މަހުގެ 28 ގައި ހުށަހެޅުމަށް ގެމަނަފުށީ ކައުންސިލުން އެދިފައިވެ އެވެ.