ޕޮޕް މިއުޒިކްގެ ރާނީއެއްގެ ގޮތުގައި މަޝްހޫރުވި އެމެރިކާގެ ލަވަކިޔުންތެރިޔާ މެޑޯނާ އޭނާގެ އަމިއްލަ ހަޔާތަށް ބިނާކޮށް ހަދަން މީގެ ހަތަރު އަހަރު ކުރިން އިއުލާންކުރި ފިލްމު ސީރީޒަކަށް ބަދަލު ކުރުމާ މެދު ވިސްނަން ފަށައިފި އެވެ.
ބޮޑު ސްކްރީނަށް ގެންނަ ފިލްމެއްގެ ބަދަލުގައި ސްޓްރީމިން ޕްލެޓްފޯމަކުން ގެނެސްދޭ ސީރީޒަކަށް އެ ބަދަލު ކުރުމުގެ ވާހަކަ އިންސްޓަގްރާމް ޕޯސްޓެއްގައި ވެސް މެނޯޑާ ހިއްސާކޮށްފައިވެ އެވެ، އަދި އެކަމާ ގުޅޭ ގޮތުން ފޭނުންގެ ހިޔާލަށް ވެސް އެދިފައިވެ އެވެ.
އަމިއްލަ ބައޮގްރަފިކަލް ޑްރާމާ "މެޑަމް އެކްސް" ގެ ނަމުގައި ޑައިރެކްޓްކުރަން 66 އިއުލާންކުރީ 2020 ގަ އެވެ. މީގެ ސްކްރީންޕްލޭ ލިޔެފައި ވަނީ މެޑޯނާ އާއި އޮސްކާ އެވޯޑް ވެސް ހޯދާފައިވާ ސްކްރީން ރައިޓަރު ޑިއަބްލޯ ކޯޑީއާ ގުޅިގެންނެވެ. ކޯޑީ އަކީ "ޔަންގް އެޑަލްޓް" އާއި "ޖޫނޯ" ފަދަ ފިލްމުތަކުގެ ރައިޓަރެވެ.
މެޑޯނާ ކުރިން ވެސް ފިލްމުތަކެއް ޑައިރެކްޓްކޮށްފައިވެ އެވެ. އެއީ 2011 ގެ "ޑަބްލިއުއީ" އާއި 2008 ގެ "ފިލްތު އެންޑް ވިޒްޑަމް" އެވެ.