ގދ. ފަރެސްމާތޮޑާ އިން ގޯތި ދޫކުރަން ތައްޔާރުވާން ފަށައިފި އެވެ.
އެ ރަށު ކައުންސިލުން ބުނީ ގޯތި ދޫކުރުމުގެ މަސައްކަތް ފެށުމަށް ހަމަޖެހިފައި ވަނީ މި މަހުގެ 28 ގައި ކަމަށެވެ.
އެހެންވެ ގޯއްޗަށް އެދޭ މީހުންގެ އިން ވަކިކުރުން އެ ދުވަހުން ފެށިގެން ކުރިއަށްދާނެތީ އިން ވަކިކުރުމަށް ފަހު ގޯއްޗާ ރަސްމީކޮށް ހާވާލުވާން އެގްރީމެންޓެއްގައި ސޮއިކުރަން ޖެހެ އެވެ. ކައުންސިލުން ބުނި ގޮތުގައި ގޯތި ލިބުނު ކަމަށް ވާނީ އެގްރީމެންޓްގައި ސޮއި ކުރުމުންނެވެ.
ގޯތީގެ އިން ވަކިކުރުމަށާއި، ގޯއްޗާއި ހާވާލުވާން ގޯތި ލިބޭ ފާރާތަށް ހާޒިރު ނުވެވޭ ނަމަ، ބަދަލުގައި މީހަކު ފޮނުވަން ޖެހެ އެވެ. ގޯތި ކަނޑަން ހަމަޖެހިފައިވާ ތާރީހުގެ 3 ދުވަސް ކުރިން ބަދަލުގައި ހާޒިރުވާ ފަރާތުގެ މަޢުލޫމާތު ރަސްމީކޮށް ކައުންސިކް އިދާރާ އަށް އަންގަން ޖެހެ އެވެ.
ގޯތީގެ އިން ވަކިކުރުމަށް ދާން ވާނީ ކަންމުޑި ރޭނޭ ގޮތަށް ގަލާއި، ވެއްޔާއި އަދި ސިމެންތި ފަދަ ތަކެތި ހިފައިގެން ކަމަށާއި . ގޯތީގެ އިން ވަކިކުރެވޭ މިންވަރަށް ތަން ސާފުކޮށްފައި ބާއްވަން ޖެހެ އެވެ.
ކައުންސިލުން ބުނީ ހުރިހާ ގޯއްޗެއް އެއްފަހަރާ އިންވަކި ކުރުމަކީ ދަތި ކަމަކަށް ވާނެތީ ކަނޑަން ހަމަޖެހިފައިވާ ގޯތިތަކުގެ ވެރިފަރާތްތަކަށް ކައުންސިލަށް ހާޒިރުވާންވީ ދުވަހާ ގަޑި އަންގަމުން ދާނެ ކަމަށެވެ.