އެމެރިކާގައި ބޭއްވި 6 ވަނަ ކެރަމް ވޯލްޑް ކަޕުން މެޑަލް ހޯދި ރާއްޖޭގެ ކެރަމްގެ ގައުމީ އަންހެން އަދި ފިރިހެން ޓީމަށް ހޫނު މަރުޙަބާއެއް ކިޔައިފި އެވެ.
ކެލިފޯނިއާގައި ބޭއްވި ކެރަމް ވޯލްޑް ކަޕްގައި 18 ގައުމަކުން ވާދަކުރި އެވެ.
އެ މުބާރާތުގައި ރާއްޖޭގެ އަންހެން ޓީމުންނާއި ފިރިހެން ޓީމުން ވަނީ ލޯ މެޑަލް ހޯދައިފަ އެވެ.
އެ ޓީމު މުބާރާތަށް ފަހު އިއްޔެ ރާއްޖެ އައުމުން ވެލާނާ އިންޓަނޭޝަނަލް އެއާޕޯޓް (ވީއައިއޭ) އިން މަރުޙަބާ ދެންނެވީ ތޮލާލް އާއި ސްޕޯޓްސް މިނިސްޓްރީގެ އިސްވެރިންނެވެ. މީގެ އިތުރުން މޯލްޑިވްސް އޮލިމްޕިކް ކޮމިޓީގެ ރައީސް މުޙައްމަދު އަބްދުއްސައްތާރު އާއި ޖެނެރަލް ސެކެޓްރީ ތަމޫހު އަހުމަދު ސައީދުވެސް ބައިވެރިވެވަޑައިގެންނެވި އެވެ.
ކެރަމް ވޯލްޑް ކަޕްގެ ތިން ވަނަ އަންހެން ޓީމުން ހޯދީ މުބާރާތް ބޭއްވި ގައުމު އެމެރިކާ އަތުން 2-1 ގޭމުން މޮޅުވެގެންނެވެ. ފިރިހެން ޓީމުން ވަނީ ތިން ވަނަ ހޮވި މެޗުގައި ސިންގަޕޫރުގެ މައްޗަށް 2-1 އިން ކުރި ހޯދައިފަ އެވެ.