ރައްޔިތުންގެ މަޖިލީހުގެ ފޭދޫ ދާއިރާގެ މެމްބަރު އިބްރާހީމްދީދީ (އައިބީ) ގެ ފަރާތުން ފޭދޫ ރައްޔިތުންނަށް ރޯދަ ވީއްލުމެއް ދެއްވަން ނިންމަވައިފި އެވެ.
މި މަހުގެ 10 ވަނަ ފޭދޫ އަވަށު އޮފީސް ކުރިމަތީގައި އައިބީގެ ދެކަނބަލުންގެ ފަރާތުން ފޭދޫގެ އެންމެހާ ރައްޔިތުންނަށް ދެއްވާ ރޯދަ ވީއްލުމަށް، ސޯޝަލް މިޑިއާ މެދުވެރިކޮށް މިހާރު ގެންދަނީ ދަޢުވަތު ފޮނުވަމުންނެވެ.
ދައުވަތުގައިވާ ގޮތުން ރޯދަ ވީއްލުމުގައި ބައިވެރިވުމަށް ބޭނުންވާ ފަރާތްތަކުން ފޭދޫ އަވަށު އޮފީސް ކައިރިއަށޤ ދާން ޖެހޭ ގަޑިއަކީ ހަވީރު 5:45 އެވެ.
ފޭދޫ ދާއިރާ ރައްޔިތުންނަށް އައިބީ ރޯދަ ވީއްލުމެއް ދެއްވަން ނިންމަވާފައި ވާއިރު، ދާދި ފަހުން އައިބީ ވަނީ ފޭދޫގެ ތަރައްގީ އަށް އޭނާ ކޮށް ދެއްވާފައިވާ ކަންކަން ބަޔާންކޮށް ފޭދޫގެ ގޭބިސީތަކަށް ސިޓީއެއް ވެސް ފޮނުވައިފަ އެވެެެ.