ގައުމީ އެއާލައިން މޯލްޑިވިއަނުން ވައިޑް ބޮޑީ ބޯޓެއް ގެނެސް ބޭތރަށް ކުރާ ދަތުރުތައް ފުޅާކުރަން މަސައްކަތް ކުރަމުން އަންނާތީ އިތުރު ތިން ގައުމަކަށް ޖެނެރަލް ޕެސެންޖާ ސޭލްސް އެޖެންޓުން ހޯދަން އިއުލާންކޮށްފި އެވެ.
މޯލްޑިވިއަން އޮޕަރޭޓްކުރާ އައިލޭންޑް އޭވިއޭޝަން ސާވިސެސް އައިއޭއެސް) އިން އޭޖެންޓުން ހޯދަނީ އިޓަލީ އާއި އިނގިރޭސިވިލާތާއި ޖަރުމަނަށެވެ. ދާދި ފަހުން އެ އެއާލައިން ދެކުނު އެފްރިކާ އަށް ވެސް އޭޖެންޓަކު ހޯދަން އިއުލާންކުރި އެވެ.
ތިން ގައުމުގެ އޭޖެންޓް ކަމަށް ވެސް ޝައުގުވެރިވާ ފަރާތްތަކަށް ޕްރޮޕޯސަލް ހުށަހެޅުމުގެ ފުރުސަތު ހުޅުވާލާފައި ވަނީ އަންނަ މަހުގެ 5 އާ ހަމައަށެވެ.
މޯލްޑިވިއަނުން ވައިޑް ބޮޑީ ބޯޓްގެ ދަތުރުތައް ފަށާނީ ޖެނުއަރީގަ އެވެ.