އެންމެ ދުވަސްވީ ފިރިހެނާ މަރުވެއްޖެ

އެންމެ ދުވަސްވީ ފިރިހެން މީހާގެ ރެކޯޑް މިދިޔަ އަހަރު ލިބުނު އިނގިރޭސިވިލާތުގެ ޖޯން އަލްފްރެޑް ޓިނިސްވުޑް 112 އަހަރުގައި މަރުވެއްޖެ އެވެ.

އޭނަ މަރުވީ އިއްޔެ އެވެ. މި ވާހަކަ ގިނިސް ވޯލްޑް ރެކޯޑް އިިން ވެސް ސޯޝަލް މީޑިއާގައޮ މިއަދު ހިއްސާކޮށް ހިތާމަފާޅުކޮށްފައިވެ އެވެ.

އަލްފެރްޑަށް އެންމެ ދުވަސްވީ ފިރިހެނާގެ ރަސްމީކޮށް ދިނީ މިދިޔަ އަގަރުގެ އޮގަސްޓް މަހުގެ 5 ގަ އެވެ. އޭރު އޭނަގެ އުމުރަކީ 111 އަހަރާއި 222 ދުވަހެވެ. އަލްފްރެންޑް އުފަންވީ މަޝްހޫރު "ޓައިޓޭނިކް" ފެތުރު އަހަރު ކަމަށްވާ 1912 ވަނަ އަހަރުގެ އޮގަސްޓް 26 ގަ އެވެ. އޭނަ އުފަންވީ ލިވަޕޫލަށެވެ.

އަލްފްރެޑަށް އެންމެ ދުވަސްވީ މީހާގެ ރެކޯޑް ލިބުނީ ކުރިން އެ ރެކޯޑް އޮތް ވެނެޒުއާލާގެ ޖުއާން ވިސެންޓޭ ޕެރޭޒް މި އަހަރުގެ އޮގަސްޓް 3 ގައި މަރުވުމާ ގުޅިގެންނެވެ. އޭނަ މަރުވި އިރު، އުމުރަކީ 114 އަހަރެވެ.

މުނިމުނިކާފަ ދަރިންތަކެއް ވެސް ތިބި އަފްލްރެޑް މަރުވީ އޭނަ ދިރިއުޅެމުން އައި ސައުތުޕޯޓްގެ ދުވަސްވީ މީހުން ތިބޭ މަރުކަޒުގަ އެވެ.

މިހާރު އެންމެ ދުވަސްވީ އަންހެނަކީ މިދިޔަ ސެޕްޓެމްބަރު މަހު ރެކޯޑް ފޮތަށް އެރި ޓޮމިކޯ އުޓޫކާ އެވެ. އޭނަ އަށް ސެޕްޓެމްބަރު 16 ގައި އެ ރެކޯޑް ލިބުނު އިރު އުމުރަކީ 116 އަހަރާއި 116 ދުވަހެވެ. ޓޮމިކޯ އުފަންވީ މެއި 23، 1908 ގަ އެވެ. އޭނަ އަށް ރެކޯޑް ލިބުނީ ކުރިން އެންމެ ދުވަސްވީ އަންހެނާގެ އޮތް އެމެރިކާގެ މަރާޔާ ބްރަޔަންސް މޮރޭރާ މި އަހަރުގެ އޮގަސްޓް 19 ގައި އުމުރުން 117 އަހަރުގައި މަރުވުމާ ގުޅިގެންނެވެ.