ދުނިޔޭގެ ވަރަށް ގިނަ ގައުމުތަކުން މިހާރު ތަފާތު ގޮތްގޮތަށް ޑިޒައިންކޮށްފައިވާ އިމާރާތްތައް ފެނެ އެވެ. އެކަމަކު މި ފަހަރު މި އޮތީ ހަމަ މުޅިން ތަފާތު ޑިޒަނަކަށް ހަދާފައިވާ ތަނެއްގެ ވާހަކަ އެވެ.
މިއީ ދާދި ފަހުން ޕިލިޕީންސްގައި ހުޅުވި ޓޫރިސްޓު ހޮޓެކެކެވެ. ގިނަ ބައެއްގެ ސަމާލުކަން ލިބިފައިވާ މި ހޮޓާ ހަދާފައި ވަނީ ހާލެއްގެ ސިފައަށެވެ. އެހެންވެ މިހާރު ފިލިޕީންސްގެ މަގުބޫލު ޓޫރިސްޓް މަންޒިލެއް ކަމަށްވާ ނެގްރޯސް އޮކްސިޑެންޓަލްގެ ކެމްޕުއެސްޓޯހަން ރިސޯޓް އައިލޭންޑުން އެންމެ ބޮޑަށް އަޅައިގަންނަ އެއްޗަކީ "ބިޔަ" ރަތް ހާލެކެވެ.
މިތަން މިހާރު ވަނީ ދުނިޔޭގެ ރެކޯޑް ފޮތުން ވެސް ވަނީ ޖާގަ ހޯދައިފަ އެވެ. އެއީ މިހާތަނަށް ހާލެއްގެ ސިފައި ހެދި އެންމެ ބޮޑު އިމާރާތުގަ އެވެ. އެ ހޮޓަށް ގިނިސް ވޯލްޑް ރެކޯޑް ރެކޯޑުން އެ ރަސްމީކޮށް ދިނީ ސެޕްޓެމްބަރު މަހުގެ 8 ގަ އެވެ.
މި ހޮޓަލުގެ އުސްމިނުގައި 34.931 މީޓަރު (114 ފޫޓާއި 7 އިންޗި) ހުރި އިރު، ތަނުގެ ފުޅާމިނަކީ 12.127 މީޓަރު (39 ފޫޓް 9 އިންޗި) އެވެ. މި ތަނުގެ އުސްމިނަށް ބަލާ އިރު މިއީ 10 ބުރީގެ އިމާރާތެއްޖެ އެވްރެން އުސްމިނެވެ.
View this post on Instagram
ފެހިގެން ވެސް ގަދަ ހިތްގައިމު ހިސާބެއްގައި ހަދާފައިވާ މި ހޮޓަލުގެ މަސައްކަތުގެ އެންމެ އިސްކޮށް ހުރީ ރިކާޑޯ ކާނޯ އެވެ. އޭނަ ބުނީ އަބަދު ވެސް ވަރަށް ތަފާތު ކަންކަން ކުރަން ބޭނުންވާ ކަމަށާއި ހާލެއްގެ ސިފަ އަށް ހެދި ހޮޓަލަކީ އެ ފެނުމުން މީހުންނަށް ހައިރާންވާ ކަހަލަ ތަނެއް ހަދަން ދެކެމުން އައި ހުފަނެއް ހަގީގަތަކަށްވުން ކަމަށެވެ.
އެގޮތުން މި ހޮޓަލުގެ ޕްލޭނިން ޑިޒައިނިން މަރުހަލާ އަށް ހައެއްކަ މަސް ނެގި އެވެ. ތަން އިމާރާތް ކުރަން ރަސްމީކޮށް ފެށީ މިދިޔަ އަހަރުގެ ޖޫން 10 އެވެ. މަސައްކަތް އެއްކޮށް ނިންމައިލި އިރު "ހާލު" މިއީ މިހާރު 15 ކޮޓަރީގެ ހޮޓަލެކެވެ. މުސޫމީ ގޮތުން ދިމާވި އެކި ކަހަލަ ދަތިތަކާ ހެދި ތަން އެއްކޮށް ނިންމަން ނެގީ 456 ދުވަހެވެ.
އޭސީކޮށްފައިވާ ޖާގަ ތަނަވަސް ކޮޓަރިތަކުގައި ޓޫރިސްޓް ހޮޓަލެއްގެ ކޮޓަރިތަކުން އާންމުކޮށް ލިބޭނެ ހުރިހާ ވަސީލަތްތަކާއި ހިދުމަތްތައް ހުރީ ގާއިމުކޮށްފަ އެވެ. މި ތަނުގެ އެންމެ ތިރީ ބައި ހާއްސަކޮށްފައި ވަނީ ރެސްޓޯރަންޓަށެވެ. އެގޮތުން ކުޑަ ޖަހައި، މޭޒާއި ގޮނޑިތައް ބަހައްޓައި ހިތްގައިމު އޯޕަން އޭރިއާއެއް ވެސް އޮތީ ހަދައިފަ އެވެ.
އަދި އެ ސަރަހައްދުގައި ޕޫލްތަކެއް ވެސް ހަދާފައިވާ އިރު، މިއީ ކުޑަވަރެއްގެ ރިސޯޓަކުން ކޮށްލެވޭ ތަޖުރިބާކޮށްލެވޭ ފެންވަރުގެ ތަނެކެވެ.
ރިކާޑޯ ބުނީ ތަފާތު ޑިޒައިނަކަށް ހޮޓާ ހަދަން އައި ހިޔާލުގެ ތެރެއިން ހާލެއްގެ ޑިޒައިނަށް ތަން ހަދަން ނިންމީ އޭނަ ދިިރިއުޅޭ ސަރަހައްދަކީ ވެސް ސަގާފީ ގޮތުން ވެސް ހާލު ގެންގުޅުމުގެ އާދަ ވަރަށް ބޮޑު ތަނަކަށްވާތީ ކަމަށެވެ.
"މި ސަރަހައްދުގެ މީހުންގެ ހާލު ގެންގުޅޭތީ އެ މީހުންގެ އިންނާނެ ތަފާތު އެޓިޓިއުޑެއް ވެސް،" 2010 ގައި ގަތް ބިމުގައި ހެދި ހޮޓަލާ ބެހޭ ގޮތުން ރިކާޑޯ ބުންޏެވެ. "އެހެންވެ އެކަމާ ވެސް ގުޅުވާލުމުގެ ގޮތުން ހާލެއްގެ ސިފަ އަށް ތަން ހަދަން ނިންމީ."
އޭނަ ބުނި ގޮތުގައި މިހާރު އެންމެ އުފާވަނީ ހާލު ސިފަ އަށް ހެދި ހޮޓާ ދުނިޔޭގެ ރެކޯށް ފޮތަށް ވެސް އަރައި ފިލިޕީންސްގެ ލޭންޑްމާކަކަށްވުމުން ކަމަށެވެ.
"އެކަމާ މިހާރު ވަރަށް ފަހުރުވެރި ވެސް ވަން." ރިކާޑޯ ބުންޏެވެ.