މިހާރު ކުރިއަށްދާ ނައިންޓީ ޕްލަސް ގޯލްޑް ކަޕްގައި އައްޑޫ ޓީމް ކުޅުނު ދެވަނަ މެޗުން ވެސް އެއްވަރުވެއްޖެ އެވެ.
ރޭ ގަލޮޅު ދަނޑުގައި ކުޅުނު މެޗްގައި އައްޑޫ ނުކުތީކ. ގުރައިދުއާ ދެކޮޅަށެވެ. ގްރޫޕް ސީގެ އެ މެޗު ނިމުނީ 1-1 ލަނޑުންނެވެ. މި މެޗުން އައްޑު އަށް މޮޅު ނުވެވި، އެއްވަރުވި އިރު، މުބާރާތުގައި އެ ޓީމުން ކުޅުނު ފުރަތަމަ މެޗުން ވެސް ނުކުތީ ހަމަ މި ނަތީޖާ އެވެ.
އެގޮތުން މި މަހުގެ 22 ވަނަ ދުވަހުގެ ރޭ ޅ. ކުރެންދޫއުއާ ދެކޮޅަށް ކުޅުނު މެޗް ނިންމައިލަން ޖެހުނީ 1-1 ގެ ނަތީޖާއަކުންނެވެ.
ރޭ ކުޅުނު މެޗުގައި ދެ ޓީމުގެ ފަރާތުން ވެސް ހަމަހަމަ ކުޅުމެއް ފެނިގެން ދިޔަ އިރު، ދެ ލަނޑު ވެސް ދެ ޓީމުން ކާމިޔާބުކުރީ މެޗްގެ ފުރަތަމަ ހާފްގަ އެވެ.
މެޗުގެ ލީޑު އައްޑޫން ނެގީ 13 ވަނަ މިނެޓުގައި ކެޕްޓަން އަލީ ނާފިއު ހުރަސްކޮ ށްދިން ބޯޅައަކުން މުޙައްމަދު އިންޝާލް ޖެހި ލަނޑާ އެކީގަ އެވެ ނަމަވެސް އޭގެ ނުވަ މިނެޓު ފަހުން ގުރައިދޫން ނަތީޖާ އެއްވަރުކުރި އެވެ. ކޮށްފައެވެ. އެ ޓީމަށް ލަނޑު ކާމިޔާބުކޮށް ދިނީ އަހުމަދު އަހުޒަމް ވަދީއު އެވެ.
މި އަހަރުގެ ގޯލްޑް ކަޕްގައި 17 ޓީމެއް ވާދަކުރެ އެވެ. މުބާރާތް ކުރިއަށް ގެންދަނީ ހަތަރު ގުރޫޕަކަށް ބަހާލައިގެންނެވެ.
މުބާރާތުގެ ގުރޫޕް އޭގައި ހިމެނެނީ ފުވައްމުލަކާއި ދ. ކުޑަހުވަދު އާއި، ގދ. ފަރެސްމާތޮޑާ އާއި ދ. މީދު އަދި ހއ. ދިއްދު އެވެ. ގުރޫޕް ބީގައި ހިމެނެނީ މާލެ އާއި ތ. ތިމަރަފުއްޓާއި، ބ. އޭދަފުއްޓާއި ބ. ތުޅާދު އެވެ. ގުރޫޕް ސީގައި އައްޑު އާއި ކުރެންދު އާއި ކ. ހުރާ އަދި ކ. ގުރައިދު އެވެ. އަދި ގުރޫޕް ޑީގައި ހިމެނެނީ ޅ. ނައިފަރާއި، ކ. މާފުއްޓާއި، ރ. އަލިފުށި ބ. ކެންދު އެވެ.
މި މަހުގެ 20 ގައި ފެށި މުބާރާތް އަންނަ މަހުގެ 25 އާ ހަމައަށް ކުރިއަށް ދާނެ އެވެ.