އިޒްރޭލުގެ ބޮޑުވަޒީރު ބެންޖަމިން ނަތަންޔާހޫ ހައްޔަރު ކުރަން އިންޓަނޭޝަނަލް ކްރިމިނަލް ކޯޓް (އައިސީސީ) އިން ނެރުނު އަމުރ އިސްތިއުފާނު ކުރަން ނިންމައިފި އެވެ.
ނަތަންޔާހޫގެ އޮފީހުން އިއްޔެ ބުނީ އަމުރު އިސްތިއުނާފު ކުރާނެ ވާހަކަ އައިސީސީ އަށް ވެސް މިހާރު އަންގާފައި ވާނެ ކަމަށެވެ. އަމުރެއް ނެރެފި އެވެ.
ނަތަންޔާހޫ އާއި އިޒްލޭހުގެ ކުރީގެ ޑިފެންސް މިނިސްޓަރު ޔޮއާވް ގަލާންޓް ހައްޔަރުކުރަން އައިސީސީން އަމުރު ނެރުނީ މި މަހުގެ 21 ގަ އެވެ. އެ އަމުރު ނެރުނީ އިޒްރޭލުން ފަލަސްތީންގައި ހިންގަމުންދާ ގަތުލުއާންމާ ގުޅިގެންނެވެ. މިދިޔަ އަހަރުގެ އޮކްޓޯބަރު މަހުގެ 7 އިން ފެށިގެން އިޒްރޭލުން ހިންގަމުންދާ ޖަރީމާތަކުގައި ފަލަސްތީނުގެ 44،000 އަށް ވުރެ ގިނަ މީހުން ވަނީ ޝަހީދުކޮށްފަ އެވެ.
އައިސީން ވަނީ ނަތަންޔާހޫ އާއި ގަލަންޓްގެ އިތުރުން ހަމާސް ޖަމާއަތުގެ ލީޑަރު މުހައްމަދު ދިއާބް އިބްރާހިމް އަލް މަސްރީ ވެސް ހައްޔަރު ކުރަން އަމުރެއް ނެރެފަ އެވެ.
އައިސީސީ އަކީ ގަތުލުއާންމުތަކާއި އިންސާނިއްޔަތާ ހިލާފު ކުށްތަކާއި ހަނގުރާމައިގެ ކުށްތައް އަދި ގައުމުތަކަށް ފިޔަވަޅު ނޭޅޭ ނުވަތަ އަޅަން ބޭނުން ނުވާ މައްސަލަތައް ބަލާ ކޯޓެކެވެ. އައިސީސީގެ މެމްބަރު ގައުމުތަކުގެ ގޮތުގައި 124 ގައުމު އޮވެ އެވެ. އޭގެ ތެރޭގައި ރަޝިޔާ، ޗައިނާ، އިޒްރޭލު، އިންޑިއާ އަދި އެމެރިކާއެއް ނުހިމެނެ އެވެ.
ހަނގުރާމައިގެ ސަބަބުން ގާޒާގެ 85 ޕަސެންޓު މީހުން ގެދޮރު ދޫކޮށް ގޮސްފައިވާ އިރު، ބައި މިލިއަނެއްހާ މީހުން ދަނީ ބަޑުހައިހޫނުކަން ތަހައްމަލު ކުރަމުންނެވެ.