ޝާހިދު ކަޕޫރްގެ ކުރިއަށް އޮތް ފިލްމު "ދޭވާ" ރިލީޒް ކުރަން އެންމެ ފަހުން ނިންމި ތާރީހު، ވިކީ ކޯޝަލްގެ "ޗާވާ' އަށް ދީ، ޝާހިދުގެ ފިލްމު ރިލީޒްކުރުން އަވަސްކޮށްފި އެވެ.
ކުރިން އަންނަ އަހަރުގެ ފެބްރުއަރީ 14 އަށް ތާވަލުކުރި ޝާހިދާއި ޕޫޖާ ހެގްޅޭގެ އެކްޝަން ތުރިލާ މިހާރު ސިނަމާތަކަށް ގެންނަން މިހާރު ނިންމީ އަންނަ އަހަރުގެ ޖެނުއަރީ 31 ގަ އެވެ.
ބަތަލާ ވިދިއާ ބަލަންގެ ފިރިމީހާ ޕްރޮޑިއުސަރު ސިދާތު ރޯއި ކަޕޫރްގެ ރޯއި ކަޕޫރް ފިލްމްސް އާއި ޒީ ސްޓޫޑިއޯސް ގުޅިގެން ގެނެސްދޭ "ދޭވާ" ގެ ޑައިރެކްޓަރަކީ ކުޅަދާނަ މަލަޔާޅަމް ޑައިރެކްޓަރު ރޯޝަން އެންޑްރޫސް އެވެ.
މި ފިލްމު އެންމެ ފުރަތަމަ ސިނަމާތަކަށް ގެންނަން ރޭވީ މިދިޔަ މަހުގެ 11 ގަ އެވެ.
ކުރިން އަންނަ މަހުގެ 6 ގައި ރިލީޒްކުރަން އޮތް ވިކީގެ "ޗާވާ" މިހާރު ބެލުންތެެރިންނަށް ގެނެސްދޭން ނިންމީ އަންނަ އަހަރުގެ ފެބްރުއަރީ 14 ގަ އެވެ. ކުރީގެ ހަނގުރާމަވެރިއެއްގެ ރޯލު ވިކީ ކުޅެފައިވާ މި ފިލްމަކީ ދިނޭޝް ވިޖަންގެ މެޑޮކް ފިލްމްސްގެ އުފެއްދުމެކެވެ.
"ޗާވާ" ގެ ކާސްޓްގައި ރަޝްމިކާ މަންދަނާ އާއި އަކްޝޭ ކަންނާ ވެސް ހިމެނެ އެވެ.