ރައީސް ޑރ. މުހައްމަދު މުއިއްޒުގެ އަބުރުފުޅަށް އަރައިގަތް ކަމަށްބުނެ ގދ. ގައްދޫ ކައުންސިލުގެ ރައީސް މުހައްމަދު އަހުމަދަށް ފިޔަވަޅު އަޅަން ލޯކަލް ގަވަމެންޓް އޮތޯރިޓީ (އެލްޖީއޭ)އިން އަންގައިފި އެވެ.
އޭލްޖީއޭ އިން ގައްދޫ ކައުންސިލަށް ފޮނުވި ސިޓީއެއްގައި ބުނެފައިވަނީ ގައްދޫ ކައުންސިލްގެ ރައީސް ވަޓްސްއެޕް ގްރޫޕެއްގައި ރައީސް ޑރ. މުޙައްމަދު މުއިއްޒުގެ އަބުރަށް ހުތުރުވާ ގޮތަށް ހަޑިހުތުރު ބަހުން ވާހަކަ ދައްކަވާފައިވާ ކަމަށެވެ. އެ މައްސަލައިގައި ކައުންސިލްގެ ރައީސަށް ފިޔަވަޅު އެޅުމަށް އެސިޓީގައި އެލްޖީއޭއިން ވަނީ ގައްދޫ ކައުންސިލަށް އަންގާފަ އެވެ.
ނަމަވެސް މިހާތަނަށް އެ މައްސަަލައިގައި އޭނާއާ މެދު ފިޔަވަޅެއް އަޅާފައެއް ނުވެ އެވެ.
ގައްދޫ ކައުންސިލްގެ ރައީސް މުހައްމަދު އަހްމަދަކީ ޕީޕީއެމް ޓިކެޓްގައި މަގާމަށް އިންތިހާބުވެވަޑައިގެންފައިވާ ފަރާތެކެވެ.