އިންޑިއާގެ ކުރީގެ މަޝްހޫރު ކްރިކެޓް ތަރި ސުރޭޝް ރައިނާގެ 38 ވަނަ އުފަން ދުވަސް ރާއްޖޭގައި ފާހަގަކޮށްފި އެވެ.
އޭނަގެ އުފަން ދުވަހަކީ ނޮވެމްބަރު މަހުގެ 27 އެވެ. އުފަން ދުވަސް ފާހަގަ ކުރަން އާއިލާއާ އެކީ ރާއްޖެ އައިސް ރައިނާގެ އާއިލާ ތިބީ ކޮކޫން މޯލްޑިވްސްގަ އެވެ.
މި ދަތުރުގެ ފޮޓޯތައް އޭނަގެ އިންސްޓަގްރާމާއި ފޭސްބުކްގައި ވެސް ޕޯސްޓްކޮށްފައިވެ އެވެ.
އިންޑިއާގެ ގައުމީ ޓީމަށް ކުޅެ، ގިނަ ކާމިޔާބީތަކެއް ހޯދައި ދިނުމުގައި ރައިނާގެ ކެރިއަރުގައި ބޮޑު ހިއްސާއެއް އަދާކޮށްފައިވެ އެވެ. އޭނަ ބައެއް މެޗްތަކުގައި ޓީމްގެ ކެޕްޓަންކަން ވެސް ކޮށްފައިވެ އެވެ.
ކްރިކެޓުން އެއްކޮށް ރައިނާ ރިޓަޔާކުރިކަން އިއުލާންކުރީ ސެޕްޓެމްބަރު 6، 2022 ގަ އެވެ. އޭގެ ކުރިން އޮގަސްޓް 15، 2020 ގައ އޭނަ އިންޓަނޭޝަލް ކްރިކެޓުން ރިޓަޔާކުރި އެވެ.