ބޮލީވުޑްގެ ބަތަލާ ރަވީނާ ޓަންޑަންގެ ދަރިފުޅު ރަޝާ ތަޑާނީ ބޮލީވުޑަށް ތައާރަފުކުރާ ފިލްމު "އާޒާދު" ޖެނުއަރީ މަހުގެ 17 ގައި ސިނަމާތަކަށް ގެންނަން ނިންމިކަން މިއަދު އިއުލާންކޮށް، އޭގެ އާ ޕޯސްޓަރެއް ދައްކާލައިފި އެވެ.
އަންނަ އަހަރުގެ އެންމެ އުންމީދީ ފިލްމުތަކުގެ ތެރޭގައި ހިމެނޭ މި ފިލްމަކީ އަޖޭ ދޭވްގަން އަށް ބޮޑުބޭބެ ކިޔާ އަމަން ދޭގްވަން ވެސް ފިލްމީ ދާއިރާ އަށް ތައާރަފުކުރާ ފިލްމެވެ. އަޖޭ އާއި ޑަޔާޕާ ޕެންޓީ ވެސް މުހިއްމު ރޯލުތަކުން ފެންނާނެ "އާޒާދު" އަކީ އެކްޝަން އެޑްވެންޗާއެކެވެ.
މީގެ ޑައިރެކްޓަރަކީ ކާމިޔާބު ފިލްމުތަކެއް ގެނެސްދީފައިވާ އަބީޝެކް ކަޕޫރެވެ. އޭނަ އަކީ އެކްޓަރު ސައިފް އަލީ ޚާންގެ ދަރިފުޅު ސާރާ އަލީ ޚާން 2018 ގެ "ކޭދަރުނާތު" އިން ބޮލީވުޑަށް ނެރުނު ޑައިރެކްޓަރު ވެސް މެ އެވެ.
"ރޮކް އޯން" އާއި "ކައި ޕޯ ޗޭ" ވެސް ގެނެސްދިން ޑައިރެކްޓަރުގެ އެންމެ ފަހުގެ ފިލްމަކީ 2021 ގެ ރޮމޭންޓިކް ކޮމެޑީ، "ޗަންދީގަޅް ކަރޭ އާޝިގީ" އެވެ.