"ހަށިހެޔޮ ރާއްޖެ" ޕްރޮގްރާމްގައި ހިމެނޭ ލީޑަރުން ތަމްރީންކުރުމުގެ ޕްރޮގްރާމް ޒޯން ހަތަރެއްގައި ނިންމާލައިފި އެވެ.
ސްޕޯޓްސް މިނިސްޓްރީން ކުރިއަށް ގެންދާ މި ޕްރޮގްރމަކީ ހަށިހެޔޮ މުޖުތަމަޢެއް ބިނާކުުރުމުގެ މަގުޞަދުގައި ކުރިއަށް ގެންދާ ޕްރޮގްރާމެލެބެ.
އެގޮތުން ރާއްޖޭގެ ހަ ޒޯނެއްގައި ލީޑަރުން ތަމްރީންކުރުމުގެ ޕްރޮގްރާމް އަންނަނީ ހިންގަމުންނެވެ. މިހާތަނަށް ޒޯން އެކެއް އަދި ޒޯން ތިނެއްގެ ލީޑަރުން ތަމްރީންކޮށް ނިންމާފައިވާ އިރު، ޒޯން ހަތަރެއްގެ ލީޑަރުން ތަމްރީންކުރުމުގެ ޕްރޮގްރާމް ނިންމާލީ މިދިޔަ ބުރާސްފަތީގަ އެވެ.
ރަށްރަށުގައި ތިބޭ ސްޕޯޓްސް ކައުންސިލަރުންނާއި، ޔޫތު އެސޯސިއޭޓުން ތަމްރީންކުރުމުގެ ޕްރޮގްރާމްގައި ޒޯން ހަތަރެއްގައި ބައިވެރިވީ ފ، މ އަދި ދ އަތޮޅުގެ ރަށްތަކުންނެވެ.
އެ ޒޯންގެ ލީޑަރުން ތަމްރީންކުރުމުގެ ޕްރޮގްރާމް ނިމުމުގެ ރަސްމިއްޔާތު ޝަރަފްވެރިކޮށް ދެއްވީ ރައްޔިތުންގެ މަޖިލީހުގެ ކުޑަހުވަދޫ ދާއިރާގެ މެންބަރު ހުސައިން ހަމީދެވެ.
"ހަށިހެޔޮ ރާއްޖެ" ޕްރޮގްރާމްގައި ހިމެނޭ ލީޑަރުން ތަމްރީންކުރުމުގެ ޕްރޮގްރާމްގެ ތެރެއިން ފިޒިކަލް އެކްޓިވިޓީސްތަކާއި، ތިޔަރީ ކްލާސްތައް ހިމެނޭ ގޮތަށް ލީޑަޝިޕް ސްކިލްސް އާއި މެނޭޖްމަންޓް ސްކިލްސް އުގަންނައި ދެވިފައިވެ އެވެ.