އިންވެސްޓްކުރުމުގެ ފުރުސަތާ އެކީ ރިއަލް އެސްޓޭޓް އެންޑް ހޮސްޕިޓާލިޓީ ފަންޑު އިފުތިތާހުކޮށްފި އެވެ.
އިއްޔެ އެ ފަންޑު އިފްތިތާހުކޮށް ދެއްވީ އިކޮނޮމިކް ޑިވޮލޮޕްމެންޓް އެންޑް ޓްރޭޑް މިނިސްޓަރު މުހައްމަދު ސައީދެވެ.
އެ ފަންޑަކީ ރާއްޖޭގެ ކެޕިޓަލް މާކެޓްތައް ރެގިއުލޭޓް ކުރާ ބޮޑީ، ކެޕިޓަލް މާކެޓް ޑިވެލޮޕްމަންޓް އޮތޯރިޓީ (ސީއެމްޑީއޭ) އިން ލައިސަންސް ދީފައިވާ ފަންޑެކެވެ.
އެ ފަންޑަށް ލައިސަންސް ދޫކޮށްފައި ވަނީ މިދިޔަ އޮކްޓޯބަރު މަހު އެވެ.
Introducing Momentum: First National’s Flagship Event.
Yesterday, we kicked off Momentum 2025, our signature event celebrating innovation, growth, and new opportunities. From inspiring speeches to the grand launch of the Real Estate & Hospitality Fund, it was a day to remember. pic.twitter.com/ReSg7hGpSl
— First National Finance Corporation (@firstnationalmv) December 4, 2024
ފަސްޓް ނޭޝަނަލް ފައިނޭންސް ކޯޕަރޭޝަންގެ ސީއީއޯ ހަސަން ޒިޔަތު ވިދާޅުވެފައި ވަނީ އެ ފަންޑުގެ ސަބަބުން ރިއަލް އެސްޓޭޓާއި ހޮސްޕިޓާލިޓީ ދާއިރާއަށް ފަންޑް ކުރުމުގެ ފުރުސަތު އިންވެސްޓަރުންނަށް ލިބިގެން ދާނެ ކަމަށެވެ. މި ފަންޑަކީ އެކި ފަންތީގެ އިންވެސްޓަރުންނަށް ސަބްސްކްރައިބް ކުރެވޭނެ ފަންޑެއް ކަމަށާއި އެންމެ މަދުވެގެން 10،000ރ. ރުފިޔާއިން އިންވެސްޓް ކުރުމުގެ ފުރުސަތު އަމިއްލަ ފަރުދުންނަށް ވެސް އޮންނާނެ އެވެ.
ފަންޑާ ގުޅޭ މައުލޫމާތު އޭގެ ވެބްސައިޓްގައި ހިމެނެ އެވެ.