ޝާހިދު ކަޕޫރާއ ޓްރިލްތީ ދިމްރީ އެކީގައި ކުޅޭ ފުރަތަމަ ފިލްމު "އަރުޖުން އުސްތާރާ" ގެ ޝޫޓިން އަންނަ މަހު ފަށަން ތައްޔާރުވެއްޖެ އެވެ.
ބޮލީވުޑްގެ ޚަބަރުތައް ގެނެސްދޭ މީޑިއާތަކުން ބުނީ ސާޖިދު ނަދިއަދުވާލާ ޕްރޮޑޮއުސްކޮށް، ކުޅަދާނަ ޑައިރެކްޓަރު ވިޝާލް ބަރަދްވާޖް ޑައިރެކްޓްކުރާ މި ފިލްމުގެ ޝޫޓިން ރަސްމީކޮށް ފަށަން ހަމަޖެހިފައި ވަނީ އަންނަ މަހުގެ 6 ގައި ކަމަށެވެ. މިއީ ވިޝާލްއާ އެކީ ޝާހިދު މަސައްކަތްކުރާ ތިން ވަނަ ފިލްމެވެ.
އެ ދެ މީހުން ކުރިން އެކީގައި "ރަންގޫން" އާއި "ހައިދަރު" އަދި "ކަމީނޭ" ގެނެސްދީފައިވެ އެވެ.
"އަރުޖުން އުސްތާރާ" ގެ ޝޫޓިން އަންނަ މަހު ފަށާ އިރު، ޝާހިދު އެންމެ ފަހުން ކުޅުނު ފިލްމު "ދޭވާ" އަންނަ މަހުގެ 31 ގައި ސިނަމާތަކަށް ގެންނާނެ އެވެ. ކުޅަދާނަ މަލަޔާޅަމް ޑައިރެކްޓަރު ރޯޝަން އެންޑްރޫސް ހަދާފައިވާ މި އެކްޝަން ތުރިލާގެ ބަތަލާ އަކީ ޕޫޖާ ހެގްޅޭ އެވެ.
ޝާހިދާއި ޓްރިޕްތީގެ ޖޯޑު "އަރުޖުން އުސްތާރާ" އިން ގެނެސްދޭ އިރު، ޓްރިޕްތީގެ ވަރަށް ކާމިޔާބު ތިން ފިލްމު މި އަހަރު ރިލީޒްވި އެވެ. އެއީ "ބޭޑް ނިއުސް" އާއި "ވިކީ ވިދިއާ ކާ ވޯ ވާލާ ވީޑިއޯ" ގެ އިތުރުން "ބޫލް ބުލައްޔާ 3" އެވެ. މިދިޔަ އަހަރު ރަންބީރް ކަޕީރާ އެކު ޓްރިޕްތީ ކުޅުނު "އެނިމަލް" ގެ ސަބަބުން އޭނަގެ ޑިމާންޑް މިހާރު ވަރަށް ބޮޑެވެ.