ފިތުރު ޢީދު ދުވަހުގެ މުނާސަބަތުގައި ކުޑަކުދިންގެ ހަވީރެއް ބޭއްވުމުގެ މަސައްކަތް ހިތަދޫ އައިސް ޑިލައިޓްގެ ފަރާތުން ކުރަމުން އެބަގެންދެއެވެ.
ހިތަދޫ ކުޑަކުދިންގެ ޕާކުގައި އާންމުކޮށް ހުޅުވާލައިގެން ކުރައަށް ގެންދާ މިހަވީރުގައި ކުޑަކުދިންނަށް ޙާއްސަ ކުޅިވަރުގެ ހަރަކާތްތަކެއް ރާވާފައިވާ ކަމަށް އައިސް ޑިލައިޓުން މައުލޫމާތު ދެއްވައެވެ.
ކުޑަކުދިންގެ ހަވީރު އިންތިޒާމްކުރުމުގައި އިސްކޮށް އުޅުއްވާ ބޭފުޅަކު 'އައްޑޫލައިވް' އާއި ވާހަކަ ދައްކަމުން ބުނި ގޮތުގައި މިއަދު ހިތަދޫ ޕާކްގައި ކުރިއަށް ގެންދާ ހަރަކާތްތަކުގައި ބައިވެރިވާން ބޭނުންވާ ފަރާތްތަކުން މިއަދު ހަވީރު 4:30 އަށް ހިތަދޫ ޕާކަށް އައުމުން އެއްވެސް ފީއަކާއި ނުލައި ހަރަކާތްތަކުގައި ބައިވެރިވެވޭނެ ކަމަށެވެ.
" އާންމުކޮށް ހުޅުވާލައިގެން އައްޑޫ ސިޓީގެ ހުރިހާ ކުޑަކުދިންނަށްޓަކައި އައިސް ޑިލައިޓުގެ ފަރާތުން ބާއްވާ ހަވީރެއް މިއީ" އޭނާ ވިދާޅުވިއެވެ.