ރާއްޖެއިން ތައިލެންޑަށް ކަނޑައަޅާ ސަފީރުކަމަށް އިލެކްޝަންސް ކޮމިޝަން (އީސީ)ގެ ކުރީގެ ރައީސް ފުއާދު ތައުފީގު އައްޔަނު ކުރުމަށް ރައްޔިތުންގެ މަޖިލީހުން ރުހުން ދީފި އެވެ.
ތައިލެންޑް ސަފީރުކަމަށް ފުއާދު އައްޔަނު ކުރުމަށް މަޖިލީހަށް ފޮނުވާފައިވަނީ މިދިޔަ މަހުގެ 25 ވަނަ ދުވަހު އެވެ.
މަޖިލީހުން ފުއާދުއަށް ރުހުން ދީފައިވަނީ މިއަދު މަޖިލީހުގެ ޖަލްސާގައި މިކަމަށް ނެގި ވޯޓުގަ އެވެ. ފުއާދުއަށް ރުހުން ދީފައިވަނީ ވޯޓުގައި ބައިވެރިވި 58 މެންބަރުންގެ އިއްތިފާގުންނެވެ.
އިލެކްޝަންސް ކޮމިޝަނުގައި ދެ ދައުރު ހަމަކުރެއްވުމަށްފަހު ފުއާދުގެ ދައުރު ހަމަވެފައިވަނީ ނޮވެމްބަރު މަހުގެ 23 ވަނަ ދުވަހު އެވެ.