މާލޭ ސަރަހައްދުގެ އުމުރުން 55 އަހަރުން މަތީގެ މީހުންނަށް ޤުރުއާން ކިޔެވުމާ ގުޅޭ ޕްރޮގްރާމެއް ހިންގައި ނިންމައި އޭގައި ބައިވެރިވާން ކީރިތި ޤުރުއާނާ ބެހޭ މަރުކަޒުން މިއަދު ހުޅުވާލައިފި އެވެ.
އިސްލާމިކް މިނިސްޓްރީގެ ދަށުން ހިންގަމުން އަންނަ އެ މަރުކަޒުން ބުނީ އެ ޕްރޮގްރާމް ހިންގަން ހަމަޖެހިފައި ވަނީ "އިސްރަށްވެހިންގެ ޤުރްއާން ޕްރޮގްރާމް" ގެ ނަމުގައި ކަމަށެވެ. އެހެންވެ މީގައި ބައިވެރިވާން ޝައުގުވެރިވާ 55 އަހަރުން މަތީގެ މީހުންނަށް މި މަހުގެ 25 އާ ހަމައަށް ވަނީ ބައިވެރިވާން ހުޅުވާލައިފަ އެވެ.
ބައިވެރިވާން ރަޖިސްޓްރީ ކުރާނީ މި ލިންކް https://docs.google.com/forms/d/1z9Ym0QX6rK4l6XwH9flvd0kQdrMwklxXD04gLal3aRI/edit މެދުވެރިކޮށެވެ.
ޤުރުއާނާ ބެހޭ މަރުކަޒުން އެތަނުގައި ކުރިއަށް ގެންދަން ނިންމާފައިވާ ޕްރޮގްރާމްގައި އަކުރުތަކުގެ އަދާތަކާއެކު ރީތިކޮށް ޤުރްއާން ކިޔަވަން ދަސްކޮށް ދެވޭނެ ކަމަށެވެ.