ވެމްކޯގެ ހިދުމަތް ކ. ހިންމަފުށީގައި ފަށައިފި އެވެ.
އެ ރަށުގައު އިއްޔެ އިފުތިތާހުކޮށް ދެއްވީ، ރައީސް ޑރ. މުހައްމަދު މުއިއްޒެވެ.
އެގޮތުން ހިންމަފުށީގައި ވެމްކޯއިން ފޯރުކޮށްދޭ ހިދުމަތުގެ ދަށުން، ގޭބިސީތަކުންނާއި ވިޔަފާރިތަކުން ކުނި ނެގުމުގެ ހިދުމަތް ފޯރުކޮށް ދޭނެ އެވެ. އަދި ލޭންޑްފިލް މެނޭޖް ކުރުމާއި، ކުނި ގަވާއިދުން ކ. ތިލަފުއްޓަށް ގެންދިއުމުގެ މަސައްކަތް ވެސް ވެމްކޯއިން ކުރިއަށް ގެންދާނެ އެވެ.
ކުނި މެނޭޖްކުރުމުގެ ހިދުމަތް ހިންމަފުށީގައި ފެށުމުން އެ ރަށުގެ ކުނި މެނޭޖްކުރުމުގެ މަސައްކަތް އިތުރަށް ހަރުދަނާވެ، ތިމާވެށި ރައްކާތެރި ކުރުމަށް އިތުރު ބާރަކަށް ވާނެ ކަމަށް ވެމްކޯ ބުންޏެވެ. ކެޕްސް އަދި ކެޕްސް ލައިޓްގެ ހިދުމަތް ވެސް ހިންމަފުށީގައި ތައާރަފު ކުރެވިގެންދާނެ ކަމަށް ވެމްކޯއިން ބުންޏެވެ.
ވެމްކޯގެ ހިދުމަތް ލިބޭ ސަރަހައްދުތަކުގެ ތެރޭގައި ހިމެނެނީ މާލެ ސަރަހައްދު، އައްޑޫ، ފުވައްމުލައް، ކުޅުދުއްފުށި، ތިނަދޫ،
ލ. ގަން، އެ އަތޮޅު ފޮނަދޫ، ހއ. އިހަވަންދޫ، އެ އަތޮޅު ދިއްދު އާއި ވަށަފަރުގެ އިތުރުން ކ. މާފުއްޓެވެ.