ރާއްޖެ އަށް ހޮންޑާ ސައިކަލް އެތެރެކޮށް ވިއްކާ ހޮންޑާ މޯލްޑިވްސް (ޝީޝާ) އިން 37 ވަނަ އަހަރީ ދުވަހާއި ގުޅިގެން ކުރިއަށްގެންދާ ބިގް37 ޕްރޮމޯޝަންގައި ހޮވޭ ނަސީބުވެރި އެއް ފަރާތަކަށް އުމްރާ ދަތުރެއް ދިނުމަށް ނިންމައިފި އެވެ.
ޝީޝާ އިން ބުނީ މި ޕްރޮމޯޝަންގެ ތެރެއިން ގުރުއަތުން ހޮވޭ އެއް ފަރާތަކަށް އުމްރާ ދަތުރަކާއި 1،000 ޑޮލަރު އަދި އިތުރު ފަރާތެއްގެ އުމްރާ ދަތުރުގެ ހަރަދު ހަމަޖައްސައިދޭނެ ކަމަށެވެ. އުމްރާ ދަތުރު ލިބޭ ފަރާތަށް ބޭނުން ގްރޫޕަކާއެކު އުމްރާ އަށް ދިޔުމުގެ ފުރުސަތު އޮންނާނެ ކަމަށް ޝީޝާ އިން ބުނެ އެވެ.
މި ޕްރޮމޯޝަން މި މަހުގެ ނިޔަލަށް ކުރިއަށްދާނެ އެވެ. މި ޕްރޮމޯޝަންގައި އިންސްޓޯލްމަންޓް އަދި އެއްކޮށް ފައިސާ ދެއްކުމަށްފަހު ސައިކަލު ނަގާ ފަރާތްތަކަށް ވެސް ބައިވެރިވެވޭނެ އެވެ.
މި ޕްރޮމޯޝަންގެ ދަށުން ސްކޫޕީ ކްލަބް12، ސްކޫޕީ ޕްރެސްޓީޖް، އެއާބްލޭޑް 125، އެއާބްލޭޑް 160، ވިނާ އެކްސް، ލީޑް 125، ވިޝަން 110، ރެބެލް 2022، އަދި ޕީސީއެކްސް 160 އިން ބޮޑެތި ޑިސްކައުންޓްތައް ލިބިގެން ދާނެ ކަމަށެވެ.
އޭގެ އިތުރުން މިފަހަރު އިންސްޓޯލްމެންޓްގެ ދަށުން ލީޑް 125، ޕީސީއެކްސް 160، ސްކޫޕީ ކްލަބް 12، ސްކޫޕީ ޕްރެސްޓީޖް އަދި ރެބެލް 2022 ނަގާ ފަރާތްތަކަށް ލޯވާޑް ފައިނޭންސް ޗާޖް ޕެކޭޖް ލިބިގެން ދާނެ ކަމަށްވެސް ޝީޝާ އިން ބުނެ އެވެ.
މި އޮފާގެ ދަށުން ޑައުންޕޭމެންޓް %10 ދެއްކުމުން %1.75 ފައިނޭންސް ޗާޖް، %20 ދެއްކުމުން %1.50 ފައިނޭންސް ޗާޖް އަދި %30 ދެއްކުމުން %1.25 ފައިނޭންސް ޗާޖަށް ކުޑަކޮށްލެވޭނެ އެވެ.
"ވަރަށް ގިނަ މީހުންނަށް ކަމުދާ ރެބެލް 300 2022އަށް ހާއްސަކޮށް މިފަހަރު 36،800ރ. ގެ ޑިސްކައުންޓެއް ލިބިގެން ދާނެ. މިއީ މިހާތަނަށް ރެބެލް 300 އަށް ހާއްސަކޮށް ދޭ އެންމެ ބޮޑު ޑިސްކައުންޓް އޮފާ،". ޝީޝާ އިން ބުނެ އެވެ.
ހޮންޑާގެ ސާވިސް ސެންޓަރުތައް މާލެ، ހުޅުމާލެ، ކުޅުދުއްފުއްޓާއި، އައްޑޫ އަަދި ފުވައްމުލަކުގައި ހުރެ އެވެ. ޝީޝާގެ ހުރިހާ ޝޯ ރޫމްތަކެއްގައި މި ޕްރޮމޯޝަން ކުރިއަށްދާނެ އެވެ.