މިނިސްޓްރީތަކެއް ހިންގަމުން ދިޔަ އިމާރާތްތަކެއްގައި މިއަދު ބޮޑެތު ގެއްލުންތަކެއް ލިބެމުން ދިއުމާ ގުޅިގެން ނެޝަނަލް ޑިޒާސް މެނޭޖްމަންޓް އޮތޯރިޓީ (އެމްޑީއެމްއޭ) އިން އިމަންޖަންސީ އިވެކިއުއޭޝަން ސެންޓަަރެއް ސޯޝަލް ސެންޓަރުގގައި ގާއިމްކޮށްފި އެވެ.
އެ އިދާރާ އިން ބުނީ އަލިފާނުގެ މި ބޮޑު ހާދިސާއާ ގުޅިގެން އެހީތެރިކަން ބޭނުންވާ ފަރާތްތަކުން 115 އަށް ގުޅައި ނުވަތަ އިވެކިއުއޭޝަން ސެންޓަރަށް ވަޑައިގަތުމަށް އެދޭ ކަމަށެވެ.
އެމްޑީއެމްއޭ އިން މިހާރު އަންނަނީ މި ހާދިސާއާ ގުޅިގެން ލިބުނު ގެއްލުންތައް ބަލަމުންނެވެ.
"މިހާ ދިސާގައި އެއްވެސް ކަހަލަ އެހީތެރި ކަމެއް ބޭނުންފުޅުވާ ފަރާތެއް ހުރިނަމަ ލަސްނުކުރައްވާ 115 ނަމްބަރަށް ގުޅުއްވުން އެދެން." އެ އޮތޯރިޓީން ބުންޏެވެ.
މިއަދުގެ ވަރަށް ހެނދުނުގެ ވަގުތެއްގައި ހައުސިން މިނިސްޓްރީގައި ރޯވި އަލިފާންގަނޑު ކޮމްޓްރޯލް ނުވެ، އެތަނާ ކައިރީގައި ހުރި ކޮންސްޓްރަކްޝަން މިނިސްޓްރީ އާއި އެންވަޔަރަމަންޓް މިނިސްޓްރީ އަށް ވެސް ބޮޑެތި ގެއްލުންތަކެއް ލިބިފައިވެ އެވެ. އަލިފާންގަނޑު މިހާރު ވަރަށް ބޮޑަށް ކޮންޓްރޯލްވެފައިވާ އިރު، ހައުސިން މިނިސްޓްރީ އިމާރާތް ވަނީ އަނދައި އަޅިއަށްވެފަ އެވެ.