އަފްގާނިސްތާންގެ ތާލިބާންގެ ސަރުކާރުގެ މިނިސްޓަރަކު އަވަހާރަކޮށްލައިފި އެވެ.
މީޑިއާތަކުން ބުނީ ޖާނުންފިދާވެގެން އިއްޔެ ދިން ހަމަލާއެއްގައި އަވަހާރަކޮށްލާފައި ވަނީ އެ ގައުމުގެ ރެފިއުޖީ މިނިސްޓަރު ހަލީލު ހައްގާނީ ކަމަށެވެ. އޭނަ އަވަހާރަކޮށްލީ ވެރިރަށް، ކާބުލްގައި އިންޓީރިއާ މިނިސްޓްރީގައި، މީހަކު ގައިގައި ބޮން ހަރުކޮށްގެން ދިން ޖާނުންފިދާވުމުގެ ހަމަލާއެއްގަ އެވެ. އެ ހާދިސާގައި އިތުރު ހަ މީހަކު ބެސް މަރުވި އެވެ.
އިންޓީރިއާ މިނިސްޓްރީން ބުނީ މިނިސްޓަރު އަވަހާރަކުރީ އޮފީހުގައި އުޅުއްވާފައި ނުކުންނަވަނިކޮށް ދިން ހަމަލާއެއްގައި ކަމަށެވެ.
މި ހަމަލާގެ ޒިންމާ މިހާރު އައިއެސް އިން ވަނީ ނަގައިފަ އެވެ.
ހައްގާނީ އަކީ 2021 ގައި ތާލިބާންގެ އަތްދަށަށް އަފްގާނިސްތާން ދިޔަ ފަހުން، އެ ގައުނުގެ ވަރަށް ނުފޫޒު ގަދަ މިނިސްޓަރެކެވެ.