އަންނަ އަހަރުގެ ރަމަޟާން މަހު "ނޫރުލް އަޒާން 1446″ ގެ ނަމުގައި ބަންގި ގޮވުމުގެ މުބާރާތެއް މާލޭގައި ބާއްވަން ނިންމައިފި އެވެ.
މިއީ އިސްލާމިކް މިނިސްޓްރީގެ 'މޮސްކް ސެކްޝަން' އިން އިންތިޒާމުކޮށްގެން ބާއްވާ މުބާރާތެކެވެ.
މުބާރާތް އަމާޒުކޮށްފައި ވަނީ އުމުރުން 15-20 އަހަރާ ދެމެދުގެ ޒުވާނުންނަށެވެ. މި މުބާރާތުގެ އޮޑިޝަން ބޭއްވުމަށް ހަމަޖެހިފައި އަންނަ މަހުގެ 15-30 އަށް މާލޭގަ އެވެ. މިނިސްޓްރީން ބުނީ އޮޑިޝަންގައި ބައިވެރިވެވޭނީ އުމުރުން 14 އަހަރު ފުރި، 21 އަހަރު ނުވާ މީހުންނަށް ކަމަށެވެ.
"ނޫރުލް އަޒާން 1446″ މުބާރާތުގައި ބައިވެރިވުމުގެ ފުރުސަތު ހުޅުވާލާފައި ވަނީ މި މަހުގެ 31 ގެ މެންދުރު ދަހު 2:00 އާ ހަމައަށެވެ.
މި މުބާރާތުގެ މަގުސަދަކީ ރީތިކޮށް ބަންގި ގޮވާ ޒުވާނުންތަކެއް އުފެއްދުމެވެ.