މޯލްޑިވްސް އިންލޭންޑް ރެވެނިއު އޮތޯރިޓީ (މީރާ) ގެ ބޯޑަށް ދަހާ ޝުޢަޢިބް އައްޔަން ކުރަން ރައްޔިތުންގެ މަޖިލީހުން ފާސްކޮށްފި އެވެ.
ހ. ކެރީބިއަން، ދަހާ ޝުޢަޢިބު އެ މަގާމަށް އައްޔަން ކުރަން ފާސްކުރީ އިއްޔެ ބޭއްވި މަޖިލީހުގެ ޖަލްސާގައި ހާޒިރުވެ ވޯޓުގައި ބައިވެރިވި 69 މެންބަރުންގެ ވޯޓާއިއެކު އިއްތިފާގުންނެވެ.
ދަހާ އަކީ 2013 ގައި އިންޑިއާގެ ބެންގަލޫރް ޔުނިވާސިޓީން އިކޮނޮމިކްސް ދާއިރާއިން މާސްޓާސް ހާސިލްކުރައްވާފައިވާ ބޭފުޅެކެވެ. އަދި އޭނަ އަންނަނީ އެ އަހަރުން ފެށިގެން މޯލްޑިވްސް މަނިޓަރީ އޮތޯރިޓީ (އެމްއެމްއޭ) ގައި މަސައްކަތް ކުރައްވަމުންނެވެ. އެގޮތުން މަރުކަޒީ ބޭންކް ގިނަ މަޤާމުތަކެއް ދަހާ ފުރުއްވާފައިވާއިރު، މިހާރު ހުންނެވީ ދަނީ އެމްއެމްއޭގެ މަނިޓަރީ އެންޑް އެކްސްޗޭންޖް ރޭޓް ޕޮލިސީ ޑިވިޝަންގެ އިކޮނޮމިސްޓެއްގެ މަޤާމުގަ އެވެ.
ދަހާ މީރާގެ ބޯޑަށް އައްޔަން ކުރަން ފާސްކުރީ، އެ ބޯޑުގެ މެންބަރު މަޚްޒޫމް ސަލީމްގެ ދައުރު ހަމަވުމާ ގުޅިގެންނެވެ.