ޕީޕީއެމްގެ ރައީސް އަދި ކުރީގެ ރައީސް މައުމޫން އަބްދުލް ގައްޔޫމް ނުހިމަނައި އެ ޕާޓީގެ ޕާލަމެންޓްރީ ގުރޫޕުން އާ ވައިބާ ގުރޫޕެއް އުފެއްދި މައްސަލަ އެއް ހޫނު ވެފައިވަނިކޮށް، މައުމޫނަށް ޖެއްސުން ކުރުމުގެ ގޮތުން ފާއިތުވި 6 ގަޑިއިރުގެ ތެރޭގައި ވައިބާގައި ގިނަ ގްރޫޕްތަކަކަށް އެބޭފުޅާ އެޑްކޮށްފައިވާކަން އިތުބާރު ހުރި ގޮތެއްގައި 'އައްޑޫލައިވް' އަށް އެނގިއްޖެއެވެ.
ރައްޔިތުންގެ މަޖިލީހުގެ ޕީޕީއެމްގެ މެމްބަރަކު 'އައްޑޫލައިވް' އަށް ވިދާޅުވި ގޮތުގައި މައުމޫން ނުހިމަނައި އެހެން ވައިބަ ގުރޫޕެއް ހެދި މައްސަލަ މީޑިޔާގެ ސަމާލުކަމަށް އައުމާއި ގުޅިގެން ޕީޕީއެމް ޕާލަމެންޓްރީ ގްރޫޕުގެ މެންބަރުން އެކަމާއި ވަރަށް ބޮޑަށް ނުރުހުން ފާޅުކޮށްފައިވާ ކަމަށެވެ.
މައުމޫން ނުހިމަނައި ވަކި ވައިބަ ގުރޫޕެއް ޕީޕީއެމްގެ ޕާލަމެންޓްރީ ގްރޫޕްގެ މެންބަރުން ހެދި ނަމަވެސް، ޕާލަމެންޓްރީ ގުރޫޕުން އެންމެ ކުރިއްސުރެ ހެދި ގުރޫޕުގައި މައުމޫން އުޅުއްވަ އެވެ. އެކަމަކު މައުމޫނަށް އަންގަވަން މެމްބަރުން ބޭނުން ނުވާ ވާހަކަތައް ބަދަލުކުރަނީ، އެމަނިކުފާނު ނުހިމަނައި ހަދާފައިވާ ވައިބާ ގުރޫޕުގައި ކަމަށް ވެއެވެ.