ދާދި ފަހުން އައްޑު އަށް ގެނައި ދެ މެގަވޮޓްގެ އިންޖީނު ވަގުތީ ގޮތުން މާލޭގައި ބޭނުން ކުރަން މާލެ ގެންދިއުމަކީ މައްސަލައެއް ނޫންކަމަށް ފެނަކަ ކޯޕަރޭޝަނުގެ މެނޭޖިން ޑިރެކްޓަރ މުޙައްމަދު ނިމާލް ވިދާޅުވެއްޖެއެވެ.
ފެނަކަ ކޯޕަރޭޝަންގެ މެނޭޖިން ޑިރެކްޓަރު މުހައްމަދު ނިމާލް މިއަދު ދިވެހިރާއްޖޭގެ ނޫހެއް ކަމަށް ވާ "ހަވީރަ" ށް ދިން އިންޓަވިއުއެއްގައި ވިދާޅުވެފައިވާ ގޮތުގައި އައްޑު އަށް ގެނެސް އަދި ބޭނުން ކުރަން ނުފަށައި ހުރި އިންޖީނު މާލެ ގެންދަން ވާހަކަތަކެއް ދެކެވެމުން އަންނަ ކަމަށެވެ.
"އެހެންވީމާ އައްޑޫން މާލެ އަށް ޖަނަރޭޓަރު ގެންނާނީ ވަގުތީ ގޮތުން. އަނެއްކާ މާލެ އަށް އެކަށީގެންވާ ވަރަށް ވުރެ ކެޕޭސިޓި ދަށް ޖަނަރޭޓަރެއް އެއީ. އެހެންވީމާ އައްޑޫން ގެންދާ ޖަނަރޭޓަރެއް މާލޭގައި ދާއިމީކޮށް ބޭނުން ކުރުމުގެ ފުރުސަތެއް ވެސް ނޯންނާނެ.އަޅުގަނޑަށް ހީވަނީ ރާއްޖޭގެ މިނިވަންކަމުގެ ހަރަކާތްތަކާ ވެސް ދިމާކޮށް އައްޑޫން މާލެ އަށް ޖަނަރޭޓަރެއް ގެންދިއުމަކީ މައްސަލައެއް ނޫންހެން. ފާހަގަ ކުރަން މިއުޅެނީ މުޅި ރާއްޖޭގެ މިނިވަންކަން. " ނިމާލް ވިދާޅުވި ކަމަށް 'ހަވީރު' ނޫހުގައި ބުނެފައިވެއެވެ.
ނިމާލް މިގޮތަށް ވިދާޅުވެފައިވާއިރު އައްޑޫ އިން މާލެއަށް 2 އިންޖީނު ގެނައުމުގެ ތައްޔާރީތައް މިހާރު ވަމުންދާ ކަމަށް ވެއެވެ.