ހދ. ކުރިނބީ އަންހެނުންގެ ތަރައްގީއަށް މަސައްކަތް ކުރާ ކޮމިޓީ (ޑަބްލިއުޑީސީ)ގެ ހުސްވެފައިވާ ތިން ގޮނޑި ޕީއެންސީން ކާމިޔާބުކޮށްފި އެވެ.
މި އިންތިހާބުގައި ވާދަކުރީ ޕީއެންސީގެ ތިން ކެންޑިޑޭޓުންނާއި އިދިކޮޅު އެމްޑީޕީގެ ތިން ކެންޑިޑޭޓުންނެވެ.
އިންތިހާބު ކާމިޔާބު ކުރި ޕީއެންސީގެ ކެންޑިޑޭޓުންނަކީ ފާތުމަތު ނާފިޒާ އިސްމާއީލް އާއި ރާނިޔާ މުހައްމަދުގެ އިތުރުން އިނާސާ އާދަމް އެވެ.
ޕީއެންސީން މި ބައި އިލެކްޝަން ކާމިޔާބު ކުރުމާއި ގުޅިގެން ރައީސް ޑރ. މުހައްމަދު މުއިއްޒު ވަނީ ކާމިޔާބު ހޯދި ތިން ފަރާތަށް މަރުހަބާ ދަންނަވާފަ އެވެ. އަދި މި އިންތިހާބު ޕީއެންސީ އަށް ކާމިޔާބުކޮށްދޭން މަސައްކަތްކޮށްދެއްވި ފަރާތްތަކާއި ވޯޓުގައި ބައިވެރިވި ފަރާތްތަކަށް ރައީސް ވަނީ ޝުކުރު އަދާކުރައްވާފަ އެވެ.