އައްޑޫ ސިޓީގައި ފެނަކަ ކޯޕަރޭޝަނުން ހިންގާ އިންޖީނުގޭގައި ހުރި 2 އިންޖީނު މާލެ ގެންދިއުމަށްޓަކައި ގިނަ އަދަދެއްގެ ސިފައިން ހަރަކާތްތެރިވަމުން އެބަގެންދެއެވެ.
އިތުބާރު ހުރިގޮތެއްގައި 'އައްޑޫލައިވް' އަށް މައުލޫމާތު ލިބިފައިވާ ގޮތުގައި 2 އިންޖީނު މާލެ ގެންދިއުމުގެ އޮޕަރޭޝަނަކީ ޑިފެންސް މިނިސްޓަރ މޫސާ އަލީ ޖަލީލްގެ ސީދާ ބެއްލެވުމުގެ ދަށުން ކުރިއަށް ގެންދާ އޮޕަރޭޝަނެކެވެ.
އިންޖީނުތައް އެމްއެންޑީއެފްގެ ވެހިކަލްތަކަށް ލޯޑް ކުރުމުގެ މަސައްކަތް ކުރަމުން ގެންދާއިރު ފެނަކަ ކޯޕަރޭޝަނުގެ އައްޑޫ އޮފީހުގެ އިސްވެރިން ވަނީ ނޫސްވެރިންނަށް އެސަރަހައްދަށް ނުވަދެވޭނެ ކަމަށް ބުނެ އެއްބާރުލުން ދޭން ދެކޮޅު ހަދާފައެވެ.
2 ޕިކަޕެއްގައި އިންޖީނު އިންސްޓޯލްކުރުމަށް ބޭނުންވާ ބައެއް ސާމާނު ހިތަދޫ ސަރަހައްދީ ބަނދަރުގައި އޮތް ބާޖަށް އެރުވުމަށް ގެންގޮސްފައިވާއިރު އެ ސަރަހައްދުގެ ސަލާމަތީ ކަންތައް ބެލެހެއްޓުމަށް ފުލުހުން ވެސް ހަރަކާތްތެރިވަމުންދާ ކަން ފާހަގަކޮށްލެވެއެވެ.