ރައްޔިތުންގެ މަޖިލީހުގެ ރައީސް އަބްދުލްރަހީް އަބްދުﷲ އިންޑިއާ އަށް ދަތުރުފުޅު ކުރެއްވުމަށް ހަމަޖެހިއްޖެ އެވެ.
އިންޑިއާގެ އެކްސްޓާނަލް އެފެއާޒް މިނިސްޓްރީގެ ސްޓޭޓް މިނިސްޓަރު ޕަބިތުރާ މާގެރިޓާ ވިދާޅުވީ މަޖިލީހުގެ ވަފުދަކާއެކު އަބްދުލްރަހީމް އިންޑިއާ އަށް ދަތުރުފުޅެއް ކުރައްވާނީ އަންނަ ފެބްރުއަރީ މަހުގެ 14-10 ގެ ނިޔަލަށް ކަމަށެވެ.
މިއީ އިންޑިއާގެ ގާނޫނު ހަދާ މަޖިލީހުގެ ތިރިގެ ކަމަށްވާ ލޮކް ސަބާގެ ރައީސް ކަމަށްވާ ޝްރީ އޯމް ބިރްލާގެ ދައުވަތަކަށް ކުރައްވާ ދަތުރުފުޅެކެވެ. މި ދަތުރުފުޅުގެ ބޭނުމަކީ ދެ ގައުމުގެ ގާނޫނު ހަދާ މަޖިލީހުގެ މެދުގައި ގުޅުން އިތުރަށް ބަދަހިކުރުމެވެ.
މިއީ މަޖިލީހުގެ ރައީސްކަމާ ހަވާލުވެވަޑައިގަތް ފަހުން އަބްދުލްރަހީމް އިންޑިއާއަށް ކުރައްވާ ފުރަތަމަ ދަތުރުފުޅެވެ.
އަބްދުލްރަހީމް ވަނީ މިދިޔަ އޮކްޓޫބަރު މަހު ސްވިޒަލޭންޑްގެ ޖެނީވާގައި ކުރިއަށްދިޔަ އިންޓަރ-ޕާލަމެންޓަރީ ޔޫނިއަން (އައިޕީޔޫ) ގެ 149 ވަނަ އެސެމްބްލީގެ ހަވާސާގައި ލޮކް ސަބާގެ ރައީސްއާ ބައްދަލުކުރައްވާފަ އެވެ.