މާލޭގައި ފެންބޮޑުވާ މަގުތައް މަރާމާތު ކުރުމުގެ މަސައްކަތް މާލޭ ސިޓީ ކައުންސިލުން ފަށައިފި އެވެ.
ސިޓީ ކައުންސިލުން ބުނީ މާލޭގެ މަގުތަކުގެ ޙާލަތު ދެނެގަނެ، ކުރިމަތިވާ މައްސަލަތައް ޙައްލުކުރުމަށް ކުރެވުނު ސާވޭގެ ތެރެއިން، މަޖީދީ މަގުގެ އެންމެ ބޮޑަށް ފެންބޮޑުވާ ސަރަޙައްދު ކަމަށްވާ، ޗާންދަނީމަގާއި ރަށްދެބައިމާގާއި ދެމެދު މަގު މަރާމާތުކުރުމުގެ މަސައްކަތް ފަށާފައިވާ ކަމަށެވެ.
މި މަސައްކަތް ނިމޭއިރު މަޖީދީމަގު، އެ ހިސާބުގައި ފެން ބޮޑުވުމުގެ ސަބަބުން، ހިނގާ މީހުންނަށާއި ދުއްވާ ތަކެއްޗަށް ކުރިމަތިވާ އުނދަގުލަށް ހައްލު ލިބިގެންދާނެ ކަމަށް ކައުންސިލުން ބުނެ އެވެ.
މިދިޔަ ހަފުތާ ބަންދުގައި މާލެއަށް ކުރި ގަދަ ވިއްސާރައިގައި ވެސް އެ ސަރަހައްދުގައި ފެންބޮޑުވި އެވެ. އެ ވިއްސާރައިގައި މާލޭގެ ގިނަ އަދަދެއްގެ ގެތަކަށް ފެން ވަދެ އެކި ވަރުގެ ގެއްލުންތަކެއް ލިބިފަ އެވެ.