އައްޑޫ ސިޓީ މަރަދޫ ފޭދޫގައި ކާރަކާއި ސައިކަލެއް ޖެހި ނުރައްކާތެރި އެކްސިޑެންޓެއް ހިނގައިފިއެވެ.
މި އެކްސިޑެންޓްގައި 2 މީހަކަށް އަނިޔާވެފައިވާއިރު ސައިކަލުގެ ފަހަތުގައި އިންމީހާ ނަގާފައިވަނީ ކާރު ދަށުން ކަމަށް މައުލޫމާތު ލިބިފައިވެއެވެ.
މި މީހުންނަށް ލިބުނު އަނިޔާތަކުގެ ތަފްސީލް އަދި ސާފުވާގޮތް ނުވި ނަމަވެސް މަންޒަރުދުށް މީހަކު 'އައްޑޫލައިވް' އަށް މައުލޫމާތު ދެމުން ބުނި ގޮތުގައި އެކްސިޑެންޓްގައި ޒަޚަމްވި 2 މީހުންނަށް ވަރަށް ބޮޑަށް އަނިޔާވެފައިވާ ކަމަށެވެ.
އެކްސިޑެންޓްގައި އަނިޔާވި މީހުންނަށް ހިތަދޫ ރީޖަނަލް ހޮސްޕިޓަލުގައި ފަރުވާދެމުން އަންނައިރު އެމީހުންގެ ތެރެއިން ސައިކަލް ފަހަތުގައި އިން މީހާގެ ހާލު ސީރިއަސް ކަމަށް ހޮސްޕިޓަލުގެ އޮފިޝަލަކު ވަނީ މައުލޫމާތު ދެއްވާފައެވެ.
އެކްސިޑެންޓްގައި އަނިޔާވި މީހުންނަކީ ހިތަދޫއަށް ނިސްބަތްވާ ބައެއް ކަމަށް އެކްސިޑެންޓް ހިނގި މަންޒަރު ދުށް މީހަކު ވަނީ 'އައްޑޫލައިވް' އަށް މައުލޫމާތު ދީފައެވެ.