ކީރިތި ޤުރުއާން ހިތުދަސްކުރާ ޙާފިޒުން އުމްރާ އަށް ފޮނުވަން އިސްލާމިކް މިނިސްޓްރީން ފަށާފައި އޮތް ޕްރޮގްރާމަކުން ހައްޖާއި އުމްރާ ގްރޫޕަކުން އެހީވާން ނިންމައިފި އެވެ.
އެގޮތުން މީޤާތު ޙައްޖު އެންޑް ޢުމްރާ ކުންފުނީގެ ފަރާތުން ކޮންމެ އަހަރަކު ޢުމްރާ ދަތުރެއް ދޭން ވަނީ ނިންމައިފިއެވެ.
މިކަން އެ ކުންފުނިން އިޢުލާންކުރީ ދާދި ފަހުން ބޭއްވި ހައްޖާއި އުމްރާ ކޮންފަރެންސްގެ ތެރޭގަ އެވެ. އަދި އެކަމުގެ ލިޔުން މިނިސްޓަރު ޑރ. މުހައްމަދު ޝަހީމް އަލީ ސައީދާ ވަނީ ހަވާލުކޮށްފަ އެވެ.
ހާފިޒުން އުމްރާ އަށް ފޮނުވަން ފެށި ޕްރޮގްރާމްގެ ދަށުން މިހާތަނަށް ހަ ޚާފިޒަކަށް ވަނީ އުމްރާ ދަތުރު ދީފަ އެވެ. މިކަމަކީ ވީހާ ވެސް ގިނަ ބަޔަކު ޤުރުއާން ހިތުދަސްކުރުމަށް ހިތްވަރު ދިނުމެވެ.