Last Updated: April 3, 22:50
Thursday, April 3, 2025
ޚަބަރު

'ހޮންޑާ ރާސް ޗެމްޕިއަންޝިޕް' ހަފުތާ ބަންދުގައި

ހޮންޑާ މޯލްޑިވްސް އިން ސްޕޮންސަކޮށްގެން ބާއްވާ "ހޮންޑާ ރާސް ޗެމްޕިއަންޝިޕް" ގެ މާލެ އެޑިޝަން ކުރިއަށް އޮތް ހަފުތާ ބަންދުގައި ބާއްވަން ތައްޔާރުވެއްޖެ އެވެ.

ރޭސިން އެސޯސިއޭޝަން އޮފް މޯޑިވްސް (ރޭމް) އިން އިންތިޒާމުކުރާ މި މުބާރާތް އަންނަ ހުކުރާއި ހޮނިހިރު ދުވަހު ކުރިއަށް ދާނީ ހުޅުމާލޭގެ ފޭސް ދޭއްގެ ވެމްކޯ ބްރިޖް ސަރަހައްދުގަ އެވެ.

މު މުބާރާތުުގެ ޓައިޓްލް ހޮންޑާ އިން ސްޕޮންސަކޮށްފައިވާ އިރު، އެ ކުންފުނިން ބުނީ މިފަދަ މުބާރާތްތަކުގައި ކުންފުނިން ބައިވެރި ވަނީ ރޭސިން ފަދަ މަގުމަތީގެ ކުޅިވަރުތައް އެކަމަށް ހާއްސަ ތަންތަނުގައި ބާއްވައިގެން އެ ކުޅިވަރަށް ލޯބިކުރާ މީހުންނަށް އެ މީހުންގެ ހުނަރުތައް ދައްކައިލަން ފުރުސަތު ފަހިކޮށް ދިނުމުގެ ގޮތުން ކަމަށެވެ.

"ހޮންޑާ ރާސް ޗެމްޕިއަންޝިޕް" ބާއްވަނީ 15 ކެޓަގަރީއަކަށެވެ. އަދި ކުރީގެ މުބާރާތްތަކާ އެއްގޮތަށް މި ފަހަރުގެ މުބާރާތުގައި ވެސް 'ހޮންޑާ ވިނާ އެކްސް" އަށް ހާއްސަ ކެޓަގަރީއެއް ހިމެނޭނެ ކަމަށް ހޮންޑާ މޯލްޑިވްސް އިން ބުންޏެވެ.