"ހޮންޑާ ރާސް ޗެމްޕިއަންޝިޕް" ގެ ނަމުގައި އިއްޔެ ހުޅުމާލޭގައި ރޭސިން މުބާރާތް ފަށަން ތައްޔާރުވެފައި ވަނިކޮށް، ފުލުހުން އެކަން ހުއްޓުވައިފި އެވެ.
އިއްޔެ އާއި މިއަދު ކުރިއަށް ގެންދާ ގޮތަށް ރޭވި މި މުބާރާތަކީ ރޭސިން އެސޯސިއޭޝަން އޮފް ދަ މޯލްޑިވްސް ރޭމް) އިންތިޒާމުކުރި މުބާރާތެކެވެ. މުބާރާތް އިއްޔެ ހުޅުމާލޭ ފޭސް ތިނެއްގެ ވެމްކޯ ބްރިޖް ސަރަހައްދުގައި ފެށިތަނާ ފުލުހުން ގޮސް، އެ އިވެންޓް ހުއްޓުވާފައިތީ ރޭމް އިން އެކަމާ ނުރުހުން ފާޅުކޮށްފައިވެ އެވެ.
"ހޮންޑާ ރާސް ޗެމްޕިއަންޝިޕް" އަކީ ހޮންޑާ މޯލްޑިވްސް އިން އިންތިޒާމުކޮށްގެން ކާރާއި ސައިކަލުގެ 15 ކެޓަގަރީން 72 މީހުން ވާދަކުރާ ގޮތަށް ފެށި މުބާރާތެކެވެ.
މުބާރާތް ހުއްޓުވުމާ ގުޅިގެން ރޭމްގެ ޕީއާރު އަޙުމަދު އިބުރާހީމް ޕޮއްތު) ރާއްޖެ ޓީވީ އަށް ބުނެފައި ވަނީ އެ ހުއްޓުވީ މުބާރާތް ބާއްވަން ކަމާބެހޭ ހުރިހާ ފަރާތްތަކާ ވެސް މަޝްވަރާކޮށްގެން އަނގަބަހުން ލިބުނު ހުއްދައާ އެކީ މުބާރާތް އިންތިޒާމުކޮށް، މުބާރާތް ފަށަން ކުޑަތަންވެފައި ވަނިކޮށް ކަމަށެވެ.
އޭނަ ވިދާޅުވީ އިވެންޓު ހުއްޓުވަން ދިޔަ ފުލުހުން އެންގީ ލިޔެކިޔުމަކުން ދީފައިވާ ހުއްދަ ނެތް ނަމަ އިވެންޓު ކުރިއަަށް ނުގެންދެވޭނޭކަން ކަމަށް ޕޮއްތު ބުންޏެވެ.
އޭނަ ބުނި ގޮތުގައި މުބާރާތް ބާއްވަން އަނގަބަހުން ހުއްދަ ދިނީ ސްޕޯޓްސް މިނިސްޓަރު އަބްދުﷲ ރާފިއުގެ އިތުރުން ހައުސން ޑިވެލޮޕްމަންޓް ކޯޕަރޭޝަން އެޗްޑީސީ) އެކީ ކުރެވުނު މަޝްވަރާތަކުން ލިބުނު އަނގަބަހުގެ ހުއްދައާ އެކީގަ އެވެ.
ނަމަވެސް ފުލުހުން އިއްޔެ އެންގީ ލިޔުމުން ހުއްދަ ނެތް މުބާރާތް ކުރިއަށް ނުގެންދެވޭނެ ކަމަށެވެ.
ޕޮއްތު ބުނި ގޮތުގައި މުބާރާތަށް ކަމާބެހ ފަރާތްތަކުން ލިޔުމަކުން ހުއްދަ ދީފައި ނުވަނީ މި އަހަރު އޯގަސްޓު މަހުގެ ތެރޭގައި ހުޅުމާލޭ ސެންޓްރަލް ޕާކު ކައިރި ރޭސް ކާރަކާއި ސައިކަލެއް ޖެހި ހިނގި އެކްސިޑެންޓުގައި ޒުވާނަކު ނިޔާވި ހާދިސާއާއި ގުޅިގެން ކަމަށެވެ.
އެ ހާދިސާ އަށް ފަހު ރޭސިން އަދި ޑްރިފްޓިން އަށް ހުޅުމާލެ އިން ވަކި ސަރަހައްދެއް ބޭނުން ކުރުމަށް އެޗްޑީސީން ދީފައިވާ ހުއްދަ ސެޕްޓެމްބަރު މަހުގެ ކުރީކޮޅު ސަރުކާރުން ބާތިލު ވެސްކޮށްފައިވެ އެވެ.