ފަސް މިލިއަން ގަސް އިންދަން މި ސަރުކާރުން ފަށާފައި އޮތް ޕްރޮގްރާމްގެ ދަށުން މިހާތަނަށް 4،500 އަށް ވުރެ ގިނަ ގަސް އިންދައިފި އެވެ.
މިކަމާ ގުޅޭ ގޮތުން އެންވަޔަރަމަންޓް މިނިސްޓްޓްރީން ބުނީ ޕްރޮގުރާމްގެ ދަށުން މިހާތަނަށް 450،936 ގަސް އިންދާފައިވާ ކަމަށެވެ. އަދި 4،219،456 ގަސް އިންދަން 70 ތަނަކުން ޕްލެޖްކޮށްފައިވެ އެވެ.
މި ޕްރޮގްރާމަށް ސަރުކާރުގެ އެކި އިދާރާތަކާއި ސްކޫލްތަކާއި ކައުންސިލްތަކާއި ސަރުކާރާއި ޕްރައިވެޓް ކުންފުނިތަކާއި ރިސޯޓްތަކުން ވެސް ބޮޑު ތަރުހީބެއް ލިބެމުން ދެ އެވެ.
ފަސް މިލިޔަން ގަސް އިންދުމުގެ ޕްރޮގްރާމްގައި އިންދަނީ ރާއްޖެއިން މަދުން ފެންނަ އެކި ބާވަތުގެ ގަސްގަހާގެއްސާއި ހިޔާ ލިބޭ ގަސްގަހާގެއްސެވެ. އަދި އެކި ބާވަތުގެ ކާނާ ލިބޭ ޖުމްލަ 90 ބާވަތެއްގެ ގަސް އިންދުމަށް ކަނޑައަޅާފައިވެ އެވެ.
މި އަހަރުގެ ތިމާވެށީގެ ދުވަހާ ގުޅިވައިގެން ޖޫން 5 ގައި ފެށި ޕްރޮގްރާމްގެ ފުރަތަމަ ދުވަހު 398،000 ގަސް އިންދާފައިވެ އެވެ.
ރާއްޖޭގައި ފަސް މިލިއަން ގަސް އިންދަން ޕްރޮގްރާމެއް ކުރިއަށް ގެންދަވާނެކަން ރައީސް ޑރ. މުހައްމަދު މުއިއްޒު އިއުލާން ކުރެއްވީ މިދިޔަ އަހަރުގެ ޑިސެންބަރު ޔޫއޭއީގައި ބޭއްވި ކޮޕް-28 ސަމިޓުގައި ޑިސެމްބަރު 1 ގައި ދެއްވި ތަގުރީރުގައެވެ.