ރާއްޖޭގެ މަޝްހޫރު ރިސޯޓް ވިޔަފާރިވެރިޔާ އަހުމަދު ސިޔާމު މުހައްމަދު ސަން ސިޔާމު) އޭނަގެ ޒުވާން އަނބިކަނބަލުން ޒާރާއާ އެކު އުމްރާގެ އަޅުކަމަށް ވަޑައިގެންފި އެވެ.
ދެމަފަރިކަނބަލުންގެ މި ދަތުރުގެ ބައެއް ފޮޓޯތަކާއި ވިީޑިއޯތައް ޒާރާގެ އިންސްޓަގްރާމް ސްޓޯރީގައި ޕޯސްކޮށްފައިވެ އެވެ. އެ އެއްޗެހީގައި ޒާރާ ފެންނަނީ ބުރުގާ ވެސް އަޅުއްވައިގެން ހުންނަވަނިކޮށެވެ. ޒާރާ އާއި ސިޔާމު އުމްރާގެ އަޅުކަމަށް ވަޑައިގެންފައި މި ވަނީ ޒާރާ އަށް ސިޔާމު އަނިޔާތަކެއްކުރެއްވިކަމުގެ ވާހަކަތަކެއް މިދިޔަ މަހުގެ ތެރޭގައި ސޯޝަލް މީޑިއާގައި ދެކެވިފައި ވަނިކޮށެވެ.
އެ ވާހަކަތަކަށް އިޝާރާތް ކުރައްވައި ޒާރާ އިންސްޓަގްރާމް ސްޓޯރީ ޕޯސްޓެއްގައި ސިޔާމަކީ އަންހެނަކަށް އަނިޔާވެރިވާނެ ކަލަލަ ބޭފުޅެއް ނޫން ކަމަށް ވިދާޅުވެ، އޭނަ ދެކެ ވަރަށް ލޯބިވާ ކަމަށް ވެސް ވިދާޅުވެފަ އެވެ.
ދ. މީދޫ ދާއިރާގެ މަޖިލިސް މެންބަރު ސިޔާމާއި ބ. ކަމަދު އަށް ނިސްބަތްވާ ޒާރާ ކައިވެނި ބައްލަވައިގަތީ މިދިޔަ އަހަރުގެ އޮކްޓޯބަރު މަހުގެ 10 ގަ އެވެ.
މިދިޔަ ޑިސެމްބަރު މަހުގެ ތެރޭގައި ރާއްޖެ އިން 6،000 އަށް ވުރެ ގިނަ މީހުން އުމްރާގެ އަޅުކަމަށް ގޮސްފައިވެ އެވެ.