ޗައިނާގައި އަނެއްކާ ވެސް ބައްޔެއް ބައްޔެއް ފެތުރެމުންދާތީ އެކަމަށް ބައެއް ގައުމުތަކުން ސަމާލުވާން ވެސް ފަށައިފި އެވެ.
މީޑިއާތަކުން ރިޕޯޓްކޮށްފައިވާ ގޮތުގައި ޗައިނާގައި މިހާރު ބާރަށް ފެތެރެމުން ދަނީ ނޭވާލާ ނިޒާމުގެ ބައްޔެއް ކަމަށް ހިއުމަން މެޓަނިއުމޯނިއާ ވައިރަސް (އެޗްއެމްޕީވީ) އެވެ. މި ބަލި ކުޑަކުދިންނާއި އުމުރުން ދުވަސްވީ މީހުންގެ މެދުގައި ބާރަށް ފެތުރެމުންދާ އިރު، ހޮސްޕިޓަލްތަކަށް ވެސް ބާރުބޮޑުވަމުންދާ ކަމަށް މީޑިއާތަކުން ބުންޏެވެ.
ނަމަވެސް މިކަމާ ގުޅިގެން ޗައިނާގެ ރަސްމީ އިދާރާތަކާއި ދުނިޔޭގެ ސިއްހަތު ޖަމިއްޔާ، ޑަބްލިއުއެޗްއޯ އިން ވެސް އަދި އެޗްއެމްޕީވީގެ ހާލަތު ޗައިނާގައި އޮތް މިންވަރާ މެދު ވަކި އެއްޗެއް ނުބުނެ އެވެ.
އެޗްއެމްޕީވީ އެންމެ ފުރަތަމަ ފެނިފައި ވަނީ 2001 ގައި ކަމަށް އެމެރިކާގެ ސެންޓަ ފޯ ޑިޒީސް ކޮންޓްރޯލް އެންޑް ޕްރިވެންޝަން (ސީޑީސީ) އިން ބުންޏެވެ. މި ބަލީގެ އާންމު އަލާތްތަކުގެ ތެރޭގައި ގަދައަށް ހުން އައުމާއި ކެއްސުމާއި ނޭފަތް ބެދުމާއި ނޭވާލާން އުނދަގޫވުން ހިމެނެ އެވެ.
އެޗްއެމްޕީވީ އަކީ ކެއްސުމާއި ކިނބިހި އަޅާ އިރު ބުރައިގެންދާ ތިކިތަކުގެ ސަބަބުން ފެތުރުން ފަސޭހަ ފެތުރޭ ބައްޔެކެވެ. އަދި މި ބައްޔަކީ މިހާތަނަށް އެއްވެސް ފަރުވާއެއް އަދި ވެކްދސިނެއް ވެސް ހޯދިފައި ނުވާ ބައްޔެކެވެ.
ޗައިނާގައި އެޗްއެމްޕީވީ ފެތުރެމުންދާ އިރު، މީގެ ހައެއްކަ އަރު ކުރިން ކުރިމަތިލާން ޖެހުނު ކޮވިޑްގެ ހާލަތު އެންމެ ގޯސްވި ގައުމަކީ ވެސް ޗައިނާ އެވެ. އަދި އެ ބަލި އުފެދުނީ ވެސް އެ ގައުމުން ކަމަށް ގިނަ ބަޔަކު ތުހުމަތު ކުރެ ވެ އެވެ.
މިދިޔަ ހަފުތާގައި ކޮވިޑާ ގުޅޭ އެންމެ ފަހުގެ ޑޭޓާތައް ހިއްސާކޮށް ދޭން ޑަބްލިއުޗްއޯ އިން ޗައިނާގައި އެދިފައިވެ އެވެ.