"ގޯލްޑަން ފުޓްސަލް ޗެލެންޖް 2025" މިރޭ ފަށަން ތައްޔާރުވެއްޖެ އެވެ.
ރާއްޖޭގައި ބާއްވާ އެންމެ ފޯރިގަދަ ފުުޓްސަލް މުބާރާތް މިރޭ ފަށަނީ ޗެރިޓީ ޝީލްޑް މެޗަކުންނެވެ. އެ މެޗުގައި ބައްދަލު ކުރާނީ މިދިޔަ އަހަރުގެ ޗެމްޕިއަން ބ. އޭދަފުއްޓާއި، 2023 ގެ ޗެމްޕިއަން ލ. ގަމެވެ.
ހުޅުމާލޭ ރެހެންދި ފުޓްސަލް ދަނޑުގައި އެ މެޗް ފަށާނީ މިރޭ 8:30 ގަ އެވެ.
މިއީ ގޯލްޑަން ފުޓްސަލް ޗެލެންޖުން ޝީލްޑް މެޗު ބާއްވާ ތިންވަނަ ފަހަރެވެ. މިދިޔަ އަހަރުގެ މުބާރާތް ފެށުމަށް ކުޅުނު ޝީލްޑް މެޗުގައި ތ. ތިމަރަފުއްޓާ ވާދަކޮށް ގަމުން ވަނީ 3-2 ގެ ނަތީޖާއަކުން މެޗު ކާމިޔާބުކޮށް، ޝީލްޑް އުފުލާލައިފަ އެވެ.
މި އަހަރު ފަހަރުގެ ޗެރިޓީ ޝީލްޑް މެޗުގައި އޭދަފުއްޓާއި ގަން ބައްދަލުކުރާ އިރު، މިދިޔަ އަހަރުގެ މުބާރާތުގެ ފައިނަލުގައި ވެސް ވާދަކޮށްފައި ވަނީ އެ ދެ ޓީމެވެ.
ޗެރިޓީ ޝީލްޑް މެޗަށް ފަހު "ގޯލްޑެން ފުޓްސަލް ޗެލެންޖް" ގެ މެޗުތައް ރަސްމީކޮށް ފަށާނީ މާދަމާ ރެ އެވެ. މުބާރާތުގައި 128 ޓީމު ވާދަކުރެ އެވެ.
ގޯލްޑަން ފުޓްސަލް އެސޯސިއޭޝަނުން އެންމެ ފުރަތަމަ މި މުބާރާތް ބޭއްވީ 2015 ގަ އެވެ.