ބްޒެޒިލްގެ ސިޓީ ކައުންސިލަރު ދެވަނަ ދައުރަކަށް ކުރިމަތިލައްވައި، އިންތިހާބުން ބަލިވެ، އޮފީސް ދޫކޮށްލައްވަން ޖެހިވަޑައިގަތުމުން އޮފީހުގައި އޭނަ ކުރިން ބަހެއްޓެވި ފާހާނާތަށި ގެންދެވި މައްސަލައިގައި ފާޑުކިޔުންތަކެއް އަމާޒުވުމުން ފާހާނާތަށި އަލުން އޮފީހަށް ރައްދުކޮށްފި އެވެ.
މީޑިއާތަކުން ރިޕޯޓްކޮށްފައިވާ ގޮތުގައި މި މަހުގެ 1 ވަނަ ދުވަހު އޮފީސް ދޫކޮށްލައްވަން ޖެހިވަޑައިގަތުމުން ކެބިންގެ ފާހާނާގައި ހުރި ފާހާނާތައްޓާއި ދެ ސިންކް ގެންދެވީ ސިޓީ ކައުންސިލަރު ޖަނައިނާ ލީމާ އެވެ. އޭނަގެ މުވައްޒަފުންތަކެއް ލައްވައި އެ ތަކެތި ނަންގަވައި ގެންދާ މަންޒަރު ފެންނަ ސީސީޓީވީ ފުޓޭޖް ވެސް ސޯޝަލް މީޑިއާގައި ދައުރުވެފައިވެ އެވެ.
މިކަމާ ގުޅިގެން ފާޑުކިޔުންތައް އަމާޒުވުމުން ލީމާ ވަނީ އެ ތަކެތި އަލުން އޮފީހަށް ރައްދު ކުރައްވައިފަ އެވެ.
އޭނަ ވިދާޅުވީ ފާހާނާ ތައްޓާއި ސިންކުތަކަކީ ވެސް ކައުންސިލަރަކަށް ވަޑައިގެންނެވުމަށް ފަހު މީގެ އަށް އަހަރު ކުރިން އަމިއްލަ ހަރަދުގައ ބެހެއްޓި ތަކެތި ކަމަށެވެ. އަދި ތަލެތި ގެންދެވީ، އެ ތަކެފި ގެންދެވޭނެ ކަމަށް އޭނަގެ ގާނޫނު ވަކީލު ވެސް ދެއްވި ލަފާގެ މަތިންކަމަށް ވިދާޅުވި އެވެ.
"ނަމަވެސް މިހާރު މި ނިންމީ އެ ތަކެތި އޮފީހަށް ހަދުޔާކުރން." ޕޯސްޓެއްގައި ލީމާ، 41، ވިދާޅުވި އެވެ.
އޭނަ އަށް ސިޓީ ކައުންސިލްގެ މަގާމު ގެއްލިވަޑައިގަތީ ބްރެޒީލިއަން ލޭބާ ޕާޓީގެ ކެންޑިޑޭޓް އެޑްރެލެސް ޖޯޖްއާ ވާދަކުރައްވަ އެވެ. އޭނަ ރަސްމީކޮށް މަގާމާ ހަވާލުވެވަޑައިގަންނަވާނީ އަންނަ ހޯމަ ދުވަހު އެވެ.
އާ ކައުންސިލަރު ވިދާޅުވީ އޮފީހުގެ ފާހާނާގެ މައްސަލަ ހައްލުވަންފެން އޭނަ އާއި ޓީމް ބޭނުން ކުރައްވާނީ އާންމު ފާހާނާ ކަމަށެވެެ.