މިދިޔަ އާދީއްތަ ދުވަހު ގއ. ނިލަންދޫ ފަރަށް އެރި ފިއުލް ސަޕްލައި އޮފް މޯލްޑިވްސް (އެފްއެސްއެމް) ގެ ބޯޓް ފުންކޮށްފި އެވެ.
"ލަނޑާ" ނަމަކަށް ކިޔާ ތެޔޮ އުފުލާ އެ ބޯޓް ނިލަންދޫ ހުޅަނގު އުތުރު ފަރާތު ފަރަށް އެރިކަން އެނގުނީ އެ ދުވަހުގެ ހެނދުނު އެވެ. އެ ޚަބަރު ލިބުމާ އެކީ އެ ރަށު ކައުންސިލުން އެކަން ކަމާބެހޭ ފަރާތްތަކަށް އެންގި އެވެ.
ކައުންސިލުން ބުނީ ބޯޓު މިހާރު ފުންކުރެވިފައިވާ އިރު، އެ ރަށަށް ދިޔަ އެފްއެސްއެމްގެ އެހެން ބޯޓަކުން ފަރަށް އެރި ބޯޓް ވެސް ގެންގޮޮސްފައިވާ ކަމަށެވެ. ބޯޓް ފުންކުރެވުނު އިރު، ފަރަށް ގެއްލުންތަކެއްވެފައިވެ އެވެ. އެގޮތުން ފަރުން ގާތްގަނޑަކަށް 100 ފޫޓު ދިގު، 4 ވަރަަކަށް ފޫޓު ތަނެއް، ހަލާކުވެފައިވާ ކަމަށް ކައުންސިލުން ބުންޏެވެ.
މިކަމާ ގުޅިގެން ކައުންސިލާއި އެންވަޔަރަމަންޓް ޕްރޮޓެކްޝަން އެޖެންސީ (އީޕީއޭ) އާ ދެމެދު މިހާރު އަންނަނީ މުއާމަލާތްތަކެއް ކުރެވެމުންނެވެ.