އަދާލަތު ޕާޓީގެ ރައީސް ޝައިހް އިމްރާން އަބްދުﷲގެ މައްޗަށް ކޮށްފައިވާ ޓެރަރިޒަމްގެ ދައުވާގެ ޝަރީއަތް ނިމެންދެން ބަންދުގައި ބަހައްޓަން ކްރިމިނަލް ކޯޓުން ދީފައިވާ އަމުރުގެ މައްސަލަ އިތުރަށް ބެލުމަށް ފަހު އެބޭފުޅާ ގޭ ބަންދަށް ބަދަލުކޮށްފިއެވެ.
އިމްރާން މިއަދު ކޯޓަށް ހާޒިރުކުރީ ބަންދުގެ މައްސަލަ މުރާޖައާކޮށްދިނުމަށް އެދި އިމްރާންގެ ވަކީލުން ގެ ފަރާތުން ކޯޓަށް ހުށަހެޅުެއްވުމުންނެވެ. ޝަރީއަތް ނިމެންދެން، ހޯމް މިނިސްޓްރީން ކަނޑައަޅާ ތަނެއްގައި ޝެއިޚް އިމްރާން ބަންދުގައި ބަހައްޓަން ކުރި އަމުރު ބާތިލްކޮށް ކޯޓުން މިއަދު ނިންމީ ޝަރީއަތް ނިމެންދެން ގޭ ބަންދުގައި ބެހެއްޓުމަށެވެ.
ފުލުހުންގެ ބަންދުގައި ބަހައްޓާފައި ހުރި އިމްރާން މިދިޔަ މަހުގެ 23 ވަނަ ދުވަހުން ފެށިގެން ހުންނެވީ މާފުށީ ޖަލުގައެވެ. މާފުށީ ޖަލަކީ ހުކުމް ތަންފީޒުކުރަމުން ގެންދާ ކުށްވެރިން ބައިތިއްބާ ތަނެއް ކަމުގައި ވި ނަމަވެސް ޝެއިޚް އިމްރާންގެ މައްޗަށް އެއްވެސް ކުށެއް އަދި ސާބިތުވެފައެއް ނުވެއެވެ.