މޫސުމާ ބެހޭ ގައުމީ އިދާރާ (މެޓް އޮފީސް) އިން މެދުރާއްޖޭގެ ބައެއް އަތޮޅުތަކަށް އޮރެންޖު އެލާޓު ނެރެފި އެވެ.
މެޓް އޮފީހުން މި އެލާޓް ނެރެފައިވަނީ އއ. އަތޮޅުން ފެށިގެން އދ. އަތޮޅާއި ހަމައަށް ހެނދުނު 8:45 އާއި ހަމައަށެވެ.
އެލާޓް ނެރެފައިވާ ވަގުތުގައި ގުގުރުމާއެކު ބޯކޮށް ވާރޭވެހި، ފެންބޮޑުވާނެ ކަމަށް ވަނީ ލަފާކޮށްފަ އެވެ.
ބޯކޮށް ވާރޭވެހުމާ ގުޅިގެން ވެރިރަށް މާލޭ ސިޓީގެ މަގުތަކުގައި މިހާރު ވަނީ ފެންބޮޑުވެފަ އެވެ. ފެން ހިއްކުމުގެ މަަސައްކަތް ސިފައިންނާއި ފުލުހުން އަދި މާލޭ ސިޓީ ކައުންސިލް ގުޅިގެން އަންނަނީ ކުރަމުންނެވެ. އަދި އެމްއެންޑީއެފް މާލޭ އޭރިއާ ކޮމާންޑުން، ވެލިބަސްތާ ޖެހުމުގެ މަސައްކަތް ވެސް އަންނަނީ ކުރަމުންނެވެ.